თბილისის მერმა დავით ნარმანიამ, ევროკავშირის ელჩ იანოშ ჰერმანთან ერთად, რიყის პარკში „ევროპის დღის“ აღსანიშნავად მოწყობილი გამოფენა დაათვალიერა.

„ევროსოფელი“ „ევროპის დღის“ აღსანიშნავი კვირეულის ფარგლებში გაიხსნა. გამოფენაზე ევროკავშირის წევრი ქვეყნების საელჩოების წარმომადგენლებმა საქართველოში თავიანთი საქმიანობა და საკუთარი ტრადიციები წარმოაჩინეს. წარმოდგენილი იყო საინფორმაციო, შემეცნებითი და გასართობი ღონისძიებები.

დავით ნარმანიას თქმით, „ევროპის დღისადმი“ მიძღვნილი ღონისძიებები წელს კიდევ უფრო მასშტაბურია. 

„ეს ნიშნავს, რომ ჩვენ ძალიან მჭიდრო ურთიერთობა გვაქვს. მომავალში ვაპირებთ,  კიდევ ბევრი ერთობლივი პროექტი და პროგრამა განვახორციელოთ, რათა უფრო მეტად ვიყოთ ინტეგრირებული ევროპაში“,-განაცხადა დავით ნარმანიამ.

კვირეული  8-დან 24 მაისამდე გაგრძელდება. ღონისძიებები, მთელი ქვეყნის მასშტაბით, საქართველოში ევროკავშირის წარმომადგენლობის, ევროკავშირის წევრი ქვეყნების საელჩოებისა და ევროკავშირისა და ნატოს შესახებ საინფორმაციო ცენტრის ორგანიზებით ტარდება.

ევროკავშირის   ქვეყნებში   ,,ევროპის   დღე“  9 მაისს, ევროკავშირის   ერთ–ერთი დამაარსებლის,  რობერტ   შუმანის ინიციატივის აღსანიშნავად  იმართება. მან  1950 წლის 9 მაისს  ევროპის ქვეყნების   ერთიან   თანამეგობრობაში გაერთიანების   იდეა წამოაყენა, რომლის განხორციელებაც 6 ევროპული ქვეყნის გაერთიანებით დაიწყო და დღეს,  28  წევრ სახელმწიფოს აერთიანებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი