საქართველოს მთავარ პროკურატურაში 14:00 საათზე ბრიფინგი გაიმართება, ამის შესახებ „ექსპრესნიუსს“ უწყების საზოგადოებასთან ურთიერთობის სამსახურიდან აცნობეს.

პროკურატურაში არ აკონკრეტებენ თუ რა საკითხზე გაიმართება ბრიფინგი.

სავარაუდოდ ბრიფინგი რომელიმე გახმაურებულ საქმეზე გაიმართება. შეგახსენებთ, რამდენიმე დღის წინ საქართველოს მთავარმა პროკურორმა ირაკლი შოთაძემ რამდენიმე საქმეზე ისაუბრა, მათ შორის მან ნიკა ლომინაძის მკვლელობის საქმეზეც ისაუბრა. როგორც მან აღნიშნა, ამ საქმესთან დაკავშირებით ფაქტების გადამოწმება მიმდინარეობს. შოთაძემ ასევე ისაუბრა ეროსი კიწმარიშვილისა და ბიძინა კუჭავას საქმეებზეც, მისი თქმით ამ საქმეებზე გამოძიება დასკვნით ეტაპზეა. მან ფარული კადრების გავრცელებაზეც ისაუბრა და აღნიშნა, რომ უცხოელ კოლეგებს 20-მდე შუამდგომლობა გადაეგზავნა.

არ არის გამორიცხული ბრიფინგი ამ საქმეებიდან რომელიმეს შესახებ, - ახლად აღმოჩენილ გარემოებებზე გაიმართოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.