თბილისის მერმა დავით ნარმანიამ ვიცე-მერთან, ლაშა აბაშიძესთან და მოადგილეებთან, ირაკლი ლექვინაძესთან და ნინა ხატისკაცთან ერთად, გერმანელ ჟურნალისტებს უმასპინძლა.

როგორც „ექსპრესნიუსს“ თბილისის მერიიდან აცნობეს,  დედაქალაქის მერიაში გამართულ შეხვედრაზე დავით ნარმანიამ ჟურნალისტებს სიტყვით მიმართა და დედაქალაქის მთავრობის საქმიანობის, ქალაქში მიმდინარე პროექტებისა და მოქმედი პროგრამების შესახებ მოკლე ინფორმაცია მიაწოდა, რის შემდეგაც შეხვედრა კითხვა-პასუხის რეჟიმში წარიმართა.

მათივე ცნობით, გერმანელი ჟურნალისტების შეკითხვები, ძირითადად, ქალაქში მიმდინარე პროცესებსა და ადგილობრივი თვითმმართველობის რეფორმას შეეხებოდა. ასევე, დაინტერესდნენ მუნიციპალიტეტის ბიუჯეტითა და შემოსავლებით, ქალაქის კულტურული მემკვიდრეობის ძეგლებით, არსებული გამოწვევებით და მათი გადაჭრისგზებით.

თბილისის მერმა, თავის მხრივ, ჟურნალისტებს დეტალური ინფორმაცია მიაწოდა ბოლო წლებში მიმდინარე ადგილობრივი თვითმმართველობის რეფორმის შესახებ და  ესაუბრა დედაქალაქის ახალ, პროგრამულ ბიუჯეტზე, ასევე, ადმინისტრაციული ხარჯების შემცირების მაჩვენებელზე.

დავით ნარმანიამ გერმანელ ჟურნალისტებს ინფორმაცია მიაწოდა პროექტ „ახალ ტფილისთან“ დაკავშირებითაც და კულტურული მემკვიდრეობის ძეგლების შენარჩუნების კუთხით დედაქალაქის მთავრობის პროექტები წარუდგინა.

გერმანელ ჟურნალისტთა ჯგუფი საქართველოს საინფორმაციო ტურის ფარგლებში სტუმრობს. პრესტურის განმავლობაში სტუმრები შეხვედრებს მართავენ საქართველოს აღმასრულებელი და საკანონმდებლო ხელისუფლების, ასევე, არასამთავრობო სექტორის წარმომადგენლებთან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი