საუდის არაბეთის დედაქალაქ რაიდში გამოფენა "Riyadh International Travel Fair 2016" გაიმართა.

საგარეო საქმეთა სამინისტროს ინფორმაციით, ღონისძიების ფარგლებში საუდის არაბეთის სამეფოში საქართველოს საელჩომ პრეზენტაცია წარადგინა საქართველოს ტურისტული პოტენციალის შესახებ.

პრეზენტაციის მიმდინარეობისას აღინიშნა, რომ გასულ წელს საქართველოს საუდის არაბეთიდან 10 000 ტურისტი, ხოლო GCC-ს სხვა ქვეყნებიდან (ბაჰრეინი, ომანი, კუვეიტი, კატარი, საემიროები) 40 000 ადამიანი ეწვია. არსებული მონაცემებიდან გამომდინარე, მიმდინარე წელს მოსალოდნელია აღნიშნული ქვეყნებიდან ტურისტთა ნაკადის კიდევ უფრო გაზრდა.

აღსანიშნავია, რომ გამოფენაში მონაწილეობა მიიღო 55-მა ქვეყანამ, მათ შორის საუდის არაბეთმა, საქართველომ, ასევე GCC-ს დანარჩენმა წევრმა სახელმწიფოებმა და სხვა ქვეყნებმა.

პრეზენტაციის შემდგომ, საუდის არაბეთის სამეფოში საქართველოს საელჩომ მოლაპარაკებები გამართა საუდის არაბეთის რამდენიმე წამყვან ტურისტულ კომპანიასთან.

საელჩოსთან თანამშრომლობით იგეგმება საქართველოს ღირსშესანიშნაობების ამსახველი ბროშურების გამოცემა და სამოგზაურო ბუკლეტებში საქართველოს შესახებ ინფორმაციის გამოქვეყნება, სადაც განთავსდება შემოთავაზებები საქართველოში სამოგზაურო ტურების შესახებ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.