უამინდობის გამო, თბილისის საგანაგებო სიტუაციების მართვის სააგენტოში 90-მდე გამოძახება დაფიქსირდა.

როგორც „ექსპრესნიუსს“ შსს-ს საგანგებო სიტუაციების მართვის სააგენტოს პრესსამსახურში განუცხადეს, გამოძახებები ძირითადად ხეების მოგლეჯის შემთხვევებს ეხებოდა.

გარდა ამისა, რამდენიმე უბანში ძლიერმა ქარმა სახლებს სახურავები გადახადა. ასევე იყო ავტომობილების დაზიანების შემთხვევებიც.

„80-90 შეტყობინება შემოვიდა. უმეტესობა შეეხებოდა ხეების მოტეხვას, იყო თუნუქის სახურავების ახდის შემთხვევებიც. ჩვენი ბრიგადები მთელი ღამის განმავლობაში მუშაობდნენ“, - განუცხადეს „ექსპრესნიუსს“ საგანგებო სიტუაციების მართვის სააგენტოში.

„რუსთავი 2“-ის ინფრომაციით ხეები დელისის მეტროს მიმდებარე ტერიტორიასა და 5 დეკემბერის ქუჩაზეც არის მოტეხილი. დაზიანდა ავტომობილები. შემთხვევის დროს მძღოლები მანქანებში ისხდნენ, თუმცა ისინი არ დაშავებულან.

ადგილზე მობილიზებული იყო საპატრულო ეკიპაჟები და თბილისის მერიის დასუფთავების სამსახური. სამაშველო სამსახურის ინფორმაციით, ძლიერმა ქარმა განსაკუთრებულად ისანი-სამგორის რაიონი დააზარალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს