იუსტიციის სამინისტროს მმართველობის სფეროში მოქმედ სსიპ „საქართველოს საკანონმდებლო მაცნეს“ ახალი ვებგვერდი აქვს, რომელიც მომხმარებლებს უფრო მეტ შესაძლებლობას ეტაპობრივად შესთავაზებს.

 საიტს ინტერაქტიური გამოკითხვისა და დოკუმენტების შედარების ფუნქციები დაემატება, რაც მომხმარებლებისათვის მნიშვნელოვანი სიახლეა.  ვებგვერდი ვიზიტორებს გამოკითხვაში მონაწილეობას სთავაზობს. მათ საშუალება ექნებათ, გაეცნონ ნორმატიული აქტების ჩამონათვალს, რომელთა ინგლისურ ენაზე თარგმნასაც  „საქართველოს საკანონმდებლო მაცნე“ გეგმავს. მომხმარებელი თავად აირჩევს, რომელი თარგმანი უნდა შესრულდეს პირველ რიგში. ნორმატიული აქტი, რომელიც ხმების უმრავლესობას დააგროვებს, მთარგმნელობით ცენტრს გადაეცემა, საიტზე კი დაიდება ვადები, თუ როდის დასრულდება მუშაობა დოკუმენტის თარგმნაზე. „საქართველოს საკანონმდებლო მაცნეს“ მომხმარებელს შესაძლებლობა ექნება, თვალყური ადევნოს პროცესს და გააკონტროლოს სამუშაოს შესრულების ვადები. რაც შეეხება უკვე ნათარგმნ ნორმატიულ აქტებს, 97 დოკუმენტის ინგლისურენოვანი ვერსია უკვე ხელმისაწვდომია დაინტერესებული პირისთვის.

კიდევ ერთი სიახლე, რასაც „საქართველოს საკანონმდებლო მაცნე“  მომხმარებელს შესთავაზებს,  ორი კონსოლიდირებული დოკუმენტის შედარებაა −  ორ ფანჯარაში გახსნილი დოკუმენტების პარალელურად დათვალიერების შესაძლებლობა, რის საშუალებასაც ვებგვერდი იძლევა, მნიშვნელოვნად აადვილებს დოკუმენტებზე მუშაობის პროცესს.

საიტის კიდევ ერთი სიახლე ონლაინკონსულტაციაა. სულ მალე მომხმარებელს შეეძლება, დაუკავშირდეს ოპერატორს და მისთვის საინტერესო საკითხებზე ინფორმაცია კითხვა-პასუხის რეჟიმში ონლაინჩატში მიიღოს.

საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირი „საქართველოს საკანონმდებლო მაცნე“ ბეჭდვითი ორგანოა, რომელიც 1998 წელს დაარსდა და 2010 წლის ჩათვლით  ბეჭდური სახით გამოიცემოდა. 2011 წლიდან ის მომხმარებელს ყველასათვის ხელმისაწვდომ, დაცულ, მუდმივად განახლებად ოფიციალურ ვებგვერდს − matsne.gov.ge − სთავაზობს, სადაც მოქალაქეს შეუძლია, იხილოს საქართველოს ყველა უწყების მიერ მიღებული ნორმატიული აქტები, საერთაშორისო ხელშეკრულებები, საკონსტიტუციო სასამართლოს გადაწყვეტილებები, ადგილობრივი თვითმმართველობის აქტები და საჯარო განცხადებები. სწორედ „matsne.gov.ge“-ზე გამოქვეყნების შემდეგ იძენს ნებისმიერი ნორმატიული აქტი ოფიციალურ იურიდიულ ძალას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს