თბილისის ოპერისა და ბალეტის თეატრში  15 და 16 აპრილს სანკტ-პეტერბურგის ეიფმანის საბალეტო დასი წარდგება მაყურებლის წინაშე სპექტაკლით „ანა კარენინა“.

როგორც „ექსპრესნიუსს“ თბილისის მერიიდან აცნობეს, პროექტი ხორციელდება “ხელოვნებისა და კულტურათშორისი დიალოგის საერთაშორისო ფონდი”-ს ეგიდით და თბილისის მერიის კულტურული ღონისძიებების ცენტრისა და საქართველოს კულტურისა და ძეგლთა დაცვის სამინისტროს მხარდაჭერით.

მათივე ინფორმაციით, მსოფლიო ნოვატორმა ქორეოგრაფმა ბორის ეიფმანმა ბალეტი „ანა კარენინა“ პეტრე ჩაიკოვსკის მუსიკაზე 2005 წელს დადგა. 

ეიფმანის ბალეტის თეატრის რეპერტუარიდან ის ყველაზე მოთხოვნადი დადგმაა. უკვე 10 წელია იგი უცვლელი წარმატებით იდგმება ამერიკის, ავსტრალიის, დიდი ბრიტანეთის, რუსეთის, გერმანიის, ჰოლანდიის, ესპანეთის, საფრანგეთის, ჩინეთისა და ბევრი სხვა ქვეყნის საუკეთესო სცენებზე. ამ სპექტაკლში ბორის ეიფმანი აქცენტს აკეთებს სასიყვარულო სამკუთხედზე „ანა-ვრონსკი-კარენინი“, სასცენო ფსიქოანალიზის ბრწყინვალე ნიმუშს ქმნის და  „მთავარი ინსტინქტით“ შეპყრობილი ქალის საშინელი შინაგანი გარდაქმნის ტრაგიკულ ქრონიკას გვიჩვენებს.

ბორის ეიფმანის შემოქმედება 40-ზე მეტ დადგმას ითვლის. განსაკუთრებული პლასტიკური აზროვნების სტილით ეიფმანის დასი დასავლეთის მაყურებელს იპქრობს. ერთ-ერთი მოწინავე საბალეტო კრიტიკოსი ანა კისელგოფი ბორის ეიფმანს მოღვაწე ბალეტმეისტერთა შორის ლიდერს უწოდებს. „საბალეტო სამყარო, რომელიც მთავარი ქორეოგრაფის ძიებაშია, შეუძლია შეწყვიტოს ძებნა. ის ნაპოვნია, ეს ბორის ეიფმანია“.

ეიფმანის მოდერნ-ბალეტის გამოსვლა მსოფლიო მეგაპოლისებში უდიდეს მოვლენად აღიქმება, რადგანაც მისი კოლექტივი თავისი გამომსახველობითი ფორმით ახალ აზროვნებას ამკვიდრებს ბალეტის ხელოვნებაში. ეიფმანის მიერ ემოციურად და ინტელექტუალურად შექმნილი მდიდარი საბალეტო ფსიქოდრამები მარადიული ღირებულებების ტოტალურ კრიზისსა და ადამიანის სულის გადარჩენაზეა აგებული,   რასაც ასე აშკარად გრძნობს და განიცდის თავად XXI საუკუნის დასაწყისში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს