ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე სამუშაო ვიზიტით დიდი ბრიტანეთში გაემგზავრა, სადაც 13-14 აპრილს დაგეგმილია სახელმწიფო მინისტრის შეხვედრები დიდი ბრიტანეთის მინისტრთან ევროპის საკითხებში დევიდ ლიდინგტონთან, საქართველოს საკითხებზე პარტიათაშორისი საპარლამენტო ჯგუფის ხელმძღვანელთან ჯონათან ჯანოღლისთან და ჯგუფის წევრებთან.

სახელმწიფო მინისტრის აპარატის ინფორმაციით, ვიზიტის ფარგლებში დავით ბაქრაძე სიტყვით გამოვა გაერთიანებული სამსახურების სამეფო  ინსტიტუტში (RUSI).

გარდა ამისა, ლონდონის ევროპის სახლში დავით ბაქრაძე დღეს ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის ინიციატივით გამოცემული ინგლისურენოვანი კრებულის „საქართველოს ევროპული გზები“ პრეზენტაციას დაესწრება. მოწვეული სტუმრებისა და დაინტერესებული საზოგადოების წინაშე კრებულის შესახებ მწერალი და რედაქტორი ზურაბ ქარუმიძე, ასევე, ერთ-ერთი თანაავტორი, მწერალი აკა მორჩილაძე ისაუბრებენ. ქართველი ავტორები საქართველოს ევროპულ ინტეგრაციაზე, ევროპული და ქართული კულტურის ისტორიულ პარალელებსა და პოლიტიკურ-კულტურულ პერსპექტივებზე ისაუბრებენ. 

პრეზენტაცია ქართული წიგნის ეროვნული ცენტრის მიერ ორგანიზებული ლიტერატურული პროგრამის ფარგლებში ჩატარდება. პროექტი “Where Europe Meets Asia: Georgia 25 - A Cultural Feast in London marking 25 Years since the Restoration of Georgia’s Independence”  11-დან 17 აპრილის ჩათვლით ლონდონში  წიგნის ბაზრობის პარალელურად იმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანის რეჟიმის პრეზიდენტმა მადლობა გადაუხადა ყაველაშვილს აიათოლა ალი ხამენეის დაკრძალვაზე დასწრებისთვის

უკრაინამ იერიში მიიტანა ყუბანში მდებარე ილსკის ნავთობგადამამუშავებელ ქარხანაზე და როსტოვში მდებარე დიდ თავდაცვით ქარხანაზე

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა