ეროვნულ-დემოკრატიული ინსტიტუტის  (NDI) კვლევის თანახმად,  გამოკითხულთა უმრავლესობა  (66%) ფიქრობს, რომ  ყოფილი პრემიერ-მინისტრი ბიძინა ივანიშვილი  ხელისუფლების საქმიანობაზე  გადაწყვეტილების მიმღებ პირად კვლავ რჩება.

აღსანიშნავია, რომ  გასული წლის აპრილის თვეში ჩატარებული კვლევის შემდეგ,  გაზრდილია იმ ადამიანთა პროცენტული რაოდენობა, ვინც მიიჩნევს, რომ ბიძინა ივანიშვილი  ხელისუფლების საქმიანობაზე  გადაწყვეტილების მიმღებ პირად კვლავ რჩება. (მარტი, 2016-66%, აპრილი, 2015-59%).

გამოკითხულთა 15% კი ამბობს, რომ ბიძინა ივანიშვილი აღარ არის  ხელისუფლების საქმიანობაზე  გადაწყვეტილების მიმღები პირი. გასული წლის  კვლევასთან შედარებით, აღნიშნული მაჩვენებელი 1%-ითაა გაზრდილი.

4-4% არც ერთ მოსაზრებას არ ეთანხმება.

კვლევის საველე სამუშაოები ჩატარდა 23 თებერვალი - 14 მარტის პერიოდში, საქართველოს მასშტაბით, 3,900 პირისპირ ინტერვიუს წარმომადგელობითი შერჩევის საფუძველზე.

NDI-ის კვლევებს შვედეთის საერთაშორისო განვითარების და თანამშრომლობის სააგენტო (Sida) აფინანსებს და CRRC–საქართველო ატარებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანის რეჟიმის პრეზიდენტმა მადლობა გადაუხადა ყაველაშვილს აიათოლა ალი ხამენეის დაკრძალვაზე დასწრებისთვის

უკრაინამ იერიში მიიტანა ყუბანში მდებარე ილსკის ნავთობგადამამუშავებელ ქარხანაზე და როსტოვში მდებარე დიდ თავდაცვით ქარხანაზე

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა