შინაგან საქმეთა მინისტრის მოადგილე არჩილ თალაკვაძე და სასჯელაღსრულების მინისტრის მოადგილე თამარ ხულორდავა გაერო-ს სპეციალურ მომხსენებელს ბავშვებით ვაჭრობისა და ბავშვთა პორნოგრაფია-პროსტიტუციის საკითხებში მო დე ბოერ-ბუკიკიოს შეხვდნენ.

შსს-ს ინფორმაციით, მხარეებმა არასრულწლოვანთა ტრეფიკინგის წინააღმდეგ განხორციელებული ღონისძიებების, ქუჩაში მცხოვრები და მომუშავე ბავშვების პრობლემების და ბავშვთა არალეგალური მიგრაციის რისკების შესახებ, ასევე, სასჯელაღსრულების სისტემაში არასრულწლოვანთა განთავსებასა და მათ რეაბილიტაციაზე ისაუბრეს.

მინისტრის მოადგილეებმა სპეციალურ მომხსენებელს სამინისტროების სამომავლო გეგმები და პროექტებიც გააცნეს.

გაერო-ს დელეგაცია საქართველოში 11 აპრილს ჩამოვიდა. დელეგაციის წევრები აღმასრულებელი, საკანონმდებლო და სასამართლო ხელისუფლების, არასამთავრობო ორგანიზაციებისა და ბიზნესსექტორის წარმომადგენლებს ხვდებიან; დელეგაცია შემაჯამებელ პრესკონფერენციასაც გამართავს და საქართველოს 18 აპრილს დატოვებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანის რეჟიმის პრეზიდენტმა მადლობა გადაუხადა ყაველაშვილს აიათოლა ალი ხამენეის დაკრძალვაზე დასწრებისთვის

უკრაინამ იერიში მიიტანა ყუბანში მდებარე ილსკის ნავთობგადამამუშავებელ ქარხანაზე და როსტოვში მდებარე დიდ თავდაცვით ქარხანაზე

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა