„ქართული ოცნების“ დეპუტატი არც ადასტურებს და არც უარყოფს, რომ მმართველ პარტიას ეროვნულ-დემოკრატიული ინსტიტუტის( NDI) დაკვეთით ჩატარებული კვლევის პოლიტიკურ ნაწილში მოწონების რეიტინგში დაბალი პროცენტული მაჩვენებელი  აქვს.

როგორც ცნობილია, კვლევის პოლიტიკური ნაწილი ხვალ გახდება ცნობილი, თუმცა ზოგადად, პოლიტიკურმა პარტიებმა  შედეგები მანამდე  იციან.

 ქუცნაშვილი მედიასთან არ საუბრობს, რა რეიტინგი აქვს „ქართულ ოცნებას“, მაგრამ  აღნიშნავს, რომ 2011 წლიდან მოყოლებული, კვლევები აჩვენებდნენ, რომ არჩევნებს წააგებდნენ, რაც ეს ასე არ ხდებოდა:

„მე ვიყავი კოალიცია „ქართული ოცნების“ საარჩევნო შტაბის  საარჩევნო სამსახურის ხელმძღვანელი  2011-2012 წლებში.  როცა ჩვენ შევქმენით საარჩევნო მანქანა, სულ საარჩევნო შტაბის 3 სტრუქტურული ერთეულისაგან შედგებოდა-საარჩევნო სამსახური, შეხვედრების სამსახური და ლოჯისტიკის სამსახური.

შესაბამისად, მახსოვს 2011 წლიდან სულ მაგას გვეუბნებოდნენ, რომ  თქვენ წააგებთ, არჩევნებს ვერ მოიგებთ; აი, ხელისუფლება ამ განწყობაზეა, სოციალური ჯგუფები ამას ადგენენ. ჩვენ შეჩვეული ვართ ამ რეჟიმში  ცხოვრებას. ასე რომ, ამას ვუყურებთ, როგორც პროცესს, რომელსაც  იყენებენ ჩვენი ოპონენტები ჩვენი ამომრჩევლისათვის  იმედების გაცრუებაში და მოტივაციის წართმევაში. ეს იქცა პოლიტიკურ ინსტრუმენტად ჩვენი  ოპონენტების ხელში, რომ ამ გამოკითხვის შედეგები ნიშნავს იმას, რომ ხალხს  ჩვენ ვუნდივართ და ჩვენ არ ვუნდივართ. ჩვენ ამას შეგუებულები ვართ და  გარწმუნებთ,  რომ საარჩევნო კამპანია შეჯიბრის პროცესია. პროცენტი დაიწერეთ,  ვისაც რამდენი გაგიხარდებათ“, - განაცხადა ზაქარია ქუცნაშვილმა

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს