"ეროვნული ფორუმის" პირადი ცხოვრების საიდუმლოების  გასაჯაროვებაზე სასჯელის გამკაცრებას მხარს უჭერს.

როგორც ფრაქციის წევრმა ანი მიროტაძემ პარლამენტში განაცხადა,  მყარადაა  დარწმუნებული, რომ სასჯელის გამკაცრება ძალიან დიდ ზეგავლენას მოახდენს, დანაშაულის ჩადენის მსურველი პირების გადაწყვეტილებაზე. თუმცა, მიროტაძე ფიქრობს, რომ ეს რეგულაცია ცოტა დაგვიანებულია.

"პირველ რიგში მინდა ვთქვა, რომ მხარს ვუჭერ, არა მხოლოდ მხარს ვუჭერ, მეც ვიყავი იმ ადამიანთა შორის, ვინც ფიქრობდა, რომ უნდა გამკაცრებულიყო სასჯელი და გადასულიყო მძიმე კატეგორიის დანაშაულში, არა იმიტომ, რომ მორალური ვალდებულებაა მხოლოდ და ამას არ ექნება შედეგი.

მყარად ვარ იმაში დარწმუნებული, რომ სასჯელის გამკაცრება ძალიან დიდ ზეგავლენას მოახდენს დანაშაულის ჩადენის მსურველი პირების გადაწყვეტილებაზე და მგონია, რომ ცოტა უფრო დაგვიანებულიც არის ეს რეგულაცია. მე არ ვფიქრობ, რომ ამას მხოლოდ პრევენციული ხასიათი აქვს და არ ვფიქრობ, რომ კანონის მიღება არაფერს არ შეცვლის, ეს სხვა საქმეა, რამდენად კომპლექსური იქნება ძალოვანი სტრუქტურების საქმიანობა, მაგრამ ვფიქრობ, რომ მათ უნდა ჰქონდეთ შესაბამისი ბაზა საკანონმდებლო, რომლის მიხდვითაც მოხდება დაკვალიფიცირება მსგავსი ტიპის დანაშაულის. მე და ჩემი ფრაქცია ამ საკანონმდებლო ინიციატივას მხარს ვუჭერთ",-განაცხადა ანი მიროტაძემ.

პირადი ცხოვრების საიდუმლოების გასაჯაროებისა და ხელყოფისათვის სასჯელის გამკაცრების მიზნით მომზადებულ კანონპროექტს იურიდიულ საკითხთა კომიტეტში დღეს პირველი მოსმენით განიხილავენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს