პარტია "ჯერ საქართველოს" დამფუძნებლებმა და პარტიის წევრმა ძალოვანი სამსახურების ვეტერანებმა პატივი მიაგეს რუსეთ-საქართველოს ომში, შინდისში, 2008 წლის 11 აგვისტოს დაღუპულ ქართველ გმირებს.

"ქართული ოცნება ამბობს, რომ ჩვენ, ქართული მხედრობა, ისევე როგორც მთელი საქართველო, ყოველი წლის აგვისტოს, საკუთარ მოსახლეობასთან დაწყებულ ომში დაღუპულ გმირებს ვგლოვობთ. 

ქართული ოცნება ამბობს, რომ მეორე ქვეითი ბრიგადის საინჟინრო ქვედანაყოფის მებრძოლები, შინდისის გმირები, ისევე როგორც ყველა ქართველი მეომარი, ვინც 2008 წელს გმირულად დადო თავი საქართველოსთვის, შეცდომაში შეიყვანეს. 

ჩვენ, ჯერ საქართველოს წევრი თადარიგის ოფიცრები და ძალოვანი სტრუქტურების ვეტერანები, გენერლებიდან სერჟანტ, კაპრალ, რიგითებამდე, შეფიცულები საქართველოსთვის, არ დავუშვებთ პოლიტიკური პოზიციისთვის გამოგონილი დეზინფორმაციის გავრცელებას და სიმართლით დავიცავთ ქართული მუნდირის ღირსებას.

არ დავუშვებთ ტყუილით ქართული სიმამაცის ისტორიის წაშლას. 

ჩვენ სამშობლოს არვის ვართმევდით, არამედ გვეცილებოდა და დღემდე გვეცილება რუსეთი!

და ეს ომი - დაიწყო რუსეთმა!  

ამრიგად მტრის ვინაობა და ქართული მხედრობის ვაჟკაცობა - აღარასდროს უნდა დადგეს კითხვის ნიშნის ქვეშ. სხვა ყველა კითხვას კი, საბოლოოდ უნდა გაეცეს პასუხი. 

დიდება გმირებს! 

დიდება ქართულ ჯარს! 

დიდება საქართველოს!" - წერია განცხადებაში.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს