არჩევნების დანიშვნის შესახებ განკარგულებების ძალაში 8 აგვისტოს შესვლას საპარლამენტო ოპოზიციაში აკრიტიკებენ.

"ნაციონალურ მოძრაობაში" ამ გადაწყვეტილებას აბსურდს უწოდებენ და აღნიშნავენ, რომ საპარლამენტო არჩევნებში მათი პარტია გაიმარჯვებს.

"დღევანდელი გადაწყვეტილებით, ის, რომ ქვეყანაში დადგება 8 ოქტომბერი 8 აგვისტოს უნდა გავიგოთ, ეს არის მორიგი აბსურდი, რომელშიც "ქართული ოცნება" ცდილობს ჩვენი საზოგადოება შეიყვანოს. რაც არ უნდა ფოკუსები მოიფიქრონ, რაც არ უნდა გადაწყვიტონ, რაც არ უნდა სისულელე  გამოაქვეყნონ,  "ქართული ოცნება" ამ არჩევნებს წააგებს. ვურჩევ თავი დაანებონ ასეთი ტიპის ფოკუსებს, ხალხის და პოლიტიკური პარტიების მოტყუებას და ნორმალურ თანაბარ, მშვიდ არჩევნებში გადააბარონ ხელისუფლება მომავალ გამარჯვებულს, რომელიც დარწმუნებული ვარ "ნაციონალური მოძრაობა" იქნება",- განაცხადა დავით ბაქრაძემ.

აღნიშნულ გადაწყვეტილებას "ნაციონალური მოძრაობის" კიდევ ერთი წევრი, ზურაბ ჭიაბერაშვილიც აკრიტიკებს.

"ხელისუფლებას ეძლევა საშუალება, რომ ჩვენს ბიუჯეტში ხელები კიდევ აფათუროს", - განაცხადა ჭიაბერაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს