თბილისში, ერთ-ერთი სასტუმროს ნომერში, 27 წლის ტაილანდელი მოგზაური და ცნობილი იუტუბერი ბავორნტატ პენგსუკი (ჰლუნ სოლო) გარდაცვლილი იპოვეს.

შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს. არსებული ცნობებით, ახალგაზრდა კაცი სასტუმროში დაახლოებით ორი კვირის წინ გარდაიცვალა.

ბოლო დღეების განმავლობაში ჰლუნ სოლოს ოჯახი საზოგადოებას აქტიურად სთხოვდა დახმარებას მის პოვნაში. მათი თქმით, ტაილანდელ იუთუბერთან კავშირი 13 ივლისს გაწყდა, რის შემდეგაც ის საქართველოში მარტო მოგზაურობისას გაუჩინარდა.

ტაილანდურმა მედიამ ძებნის დასრულებამდე რამდენიმე საათით ადრე გაავრცელა ქვეყნის საგარეო საქმეთა სამინისტროს ცნობა, რომ მათი დიპლომატიური მისიები ქართველ სამართალდამცავებთან და ტაილანდელ მოხალისეებთან ერთად მუშაობდნენ ახალგაზრდისა და მისი ადგილმდებარეობის დასადგენად.

რადიო თავისუფლება ცდილობს საგარეო საქმეთა სამინისტროსთან დაკავშირებას, რათა დამატებითი დეტალები გაირკვეს იმის შესახებ, თუ როდის ეცნობა ოფიციალურად ტაილანდის მხარეს მომხდარი ტრაგედიის შესახებ.

ავტორი: ექსპრესნიუსი,

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს