საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ პროექტ „მოხალისე ტრენერები დანაშაულის პრევენციისთვის“ ფარგლებში  თემაზე - „ევროკავშირი და ევროპული სამართალი“ ტრენინგი ჩატარდა.

დანაშაულის პრევენციის ცენტრის ინფრომაციით, ტრენინგს ზაარბრიუკენის უნივერსიტეტის კურსდამთავრებული, საერთაშორისო და ევროკავშირის სამართლის მაგისტრი, მოხალისე ტრენერი ნინო ლობჯანიძე უძღვებოდა. შეხვედრა  დიდუბის რაიონის საჯარო სკოლების მოსწაველეებისთვის, დიდუბის რაიონის გამგეობაში გაიმართა. ტრენინგი შეეხებოდა ევროკავშირის როგორც საერთაშორისო ორგანიზაციის როლს და მნიშვნელობას თანამედროვე მსოფლიოში, მისი შექმნისა და განვითარების ისტორიას, სტრუქტურულ ერთეულებს და მათ ძირითად ფუნქციებს, ასევე ადამიანის უფლებათა ევროპული კონვენციით დაცულ უფლებებსა და დარღვევის შემთხევაში რეაგირების მექანიზმებს.  ძირითადი დრო დაეთმო იმ აუცილებელ ინფორმაციას, რომელიც უნდა იცოდეს საქართველოს მოქალაქემ ევროკავშირში უვიზოდ მიმოსვლის შესახებ.

შეხვედრა ინტერაქციულ ხასიათს ატარებდა და დატვირთული იყო სხვადასხვა ჯგუფური თუ ინდივიდუალური სავარჯიშოებით. მოსწავლეებს შესაძლებლობა ჰქონდათ გაეზიარებინათ თავიანთი მოსაზრებები და ჩართულიყვნენ დისკუსიაში. ტრენინგის მსველელობისას აქცენტი გაკეთდა ასევე საქართველოსა და ევროკავშირის ურთიერთობაზე, დღევანდელ მდგომარეობასა და სამომავლო პერსპექტივებზე. ტრენინგი, რომელშიც 20 მოსწავლე მონაწილეობდა, დიდუბის რაიონის გამგეობის მხარდაჭერით ჩატარდა.

„მოხალისე ტრენერები დანაშაულის პრევენციისთვის“ სსიპ „დანაშაულის პრევენციის ცენტრის“ ახალი პროექტია, რომლის ფარგლებშიც საქართველოს მასშტაბით იუსტიციის სახლებში, საზოგადოებრივ ცენტრებში, გამგეობებსა და სკოლებში სხვადასხვა თემატიკის ტრენინგები ტარდება. აქტივობების მიზანი არასრულწლოვნებში დანაშაულის ადრეული პრევენციის მიზნით სამოქალაქო და სამართლებრივი ცნობიერების ამაღლება, მოხალისეობრივი კულტურის განვითარება და ჯანსაღი ცხოვრების წესის პოპულარიზაციაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს