ნატო-ს კვირეულის ფარგლებში, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ მორიგი ორმხრივი შეხვედრა ამერიკის შეერთებული შტატების სახელმწიფო მდივნის თანაშემწესთან ბენჯამინ ზიფთან გამართა.

სახელმწიფო მინისტრის აპარატის ინფორმაციით, შეხვედრაზე დავით ბაქრაძემ ხაზგასმით აღნიშნა საქართველოსა და ამერიკის შეერთებულ შტატებს შორის არსებული პარტნიორული ურთიერთობები, მტკიცე თანამშრომლობა და თანამშრომლობის შემდგომი გაღრმავების იმედი გამოთქვა.

ამასთან, სახელმწიფო მინისტრმა ყურადღება გაამახვილა საქართველოში და ზოგადად რეგიონში უსაფართხოების კუთხით არსებულ მდგომარეობასა და გამოწვევებზე. მხარეებმა ანტი-დასავლურ პროპაგანდასთან ბრძოლაში სახალხო დიპლომატიისა და სტრატეგიული კომუნიკაციის ეფექტიანობის გაზრდასა და გამოცდილების გაზიარების მნიშვნელობაზე ისაუბრეს.

გარდა ამისა, შეხვედრაზე ვარშავაში დაგეგმილი 2016 წლის ნატოს სამიტისთვის მზადების პროცესი და მოლოდინები განიხილეს.

ბენჯამინ ზიფმა ხაზი გაუსვა საქართველოში მიმდინარე დემოკრატიული ტრანსფორმაციის პროცესს და ხაზგასმით აღნიშნა, რომ აშშ მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას, ქვეყანაში მიმდინარე დემოკრატიული რეფორმების დღის წესრიგს და საქართველოს ევროპულ და ევროატლანტიკურ სტრუქტურებში ინტეგრაციის გზაზე წარმატებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს