სასტუმრო „ქორთიარდ მარიოტში“ ეუთოს რეგიონული შეხვედრა გაიმართა, სადაც სამხრეთ  კავკასიის და აღმოსავლეთ ევროპის ქვეყნების გარემოს დაცვასთან დაკავშირებით მართლმსაჯულების საკითხების  ხელმისაწვდომობაზე იმსჯელეს.

გარემოს დაცვისა და ბუნებრივი რესურსების სამინისტროს ინფორმაციით, ორჰუსის კონვენციის შესრულების მექანიზმები, ადამიანის უფლებების და გარემოსდაცვითი კანონების ურთიერთქმედება საერთაშორისო სამართალში, სასამართლო ორგანოების როლი - ეს ის საკითხებია, რომელიც  გარემოსა და ბუნებრივი რესურსების დაცვის მინისტრის მოადგილემ მაია ბითაძემ კონფერენციის მონაწილეებს გააცნო. 

 „ამ ტიპის შეხვედრები ძალიან მნიშვნელოვანია. ჩვენ ვხვდებით ორჰუსის კონვენციის მონაწილეებს და განვიხილავთ რეგიონში გარემოს დაცვასთან დაკავშირებულ მართლმსაჯულების საკითხებს. დიდი მოლოდინი მაქვს საქართველოსთან მჭიდრო და ნაყოფიერი თანამშრომლობის“, - განაცხადა ეუთოს ოფისის წარმომადგენელმა საქართველოში იან დარპომ.

შეხვედრას ეუთოს ოფისის, ევროპის ეკო ფორუმის,  ბელგიისა და  აზერბაიჯანის სასამართლოს, გარემოსდაცვითი გამოძიების ბიუროსა და თბილისის საქალაქო სასამართლოს წარმომადგენლები ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს