გაერო-ს ადამიანის უფლებათა უმაღლესი კომისრის ოფისი ავრცელებს პრესრელიზს, რომელშიც აღნიშნულია, რომ აშშ-ისრაელის სამხედრო მოქმედებების დაწყებიდან, ირანში სულ მცირე 21 ადამიანი სიკვდილით დასაჯეს, ათასობით კი დააკავეს.

გაერო-ს დოკუმენტში აღნიშნულია, რომ 21-დან 9 პირი 2026 წლის იანვრის საპროტესტო აქციებთან დაკავშირებით დასაჯეს სიკვდილით, 10 ოპოზიციურ დაჯგუფებებში სავაურო წევრობის გამო, 2 კი ჯაშუშობის ბრალდებით. 

"შეძრწუნებული ვარ, რომ კონფლიქტის ისედაც მძიმე შედეგებთან ერთად, ხელისუფლება ირანელი ხალხს უფლებებს კვლავ ართმევს მკაცრი და სასტიკი მეთოდებით," - განაცხადა ადამიანის უფლებათა უმაღლესმა კომისარმა ვოლკერ თურქმა.

ის მოუწოდებს ხელისუფლებას "შეაჩეროს ყველა შემდგომი სიკვდილით დასჯა, დააწესოს მორატორიუმი სიკვდილით დასჯის გამოყენებაზე, სრულად უზრუნველყოს სათანადო სამართლებრივი პროცესისა და სამართლიანი სასამართლო პროცესის გარანტიები და დაუყოვნებლივ გაათავისუფლოს თვითნებურად დაკავებულები."

პრესრელიზღი ასევე აღნიშნულია, რომ 28 თებერვლის შემდეგ ირანში ეროვნულ უსაფრთხოებასთან დაკავშირებული ბრალდებებით 4 000-ზე მეტი ადამიანი დააკავეს.

"ბევრი დაკავებული გაუჩინარდა, აწამეს ან დაექვემდებარა სასტიკი, არაადამიანური და დამამცირებელი მოპყრობის სხვა ფორმებს, მათ შორის იძულებით - და ზოგჯერ ტელევიზიით გადაცემულ - აღიარებებსა და სიკვდილით დასჯის იმიტაციებს," - წერია პრესრელიზში.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს