2026-03-17 12:32:46, 1748 ნახვა
პოლიტიკა
ჩერგოლეიშვილი ოცნების დეპუტატის გურდულაძის შეურაცხყოფის საბაბით, 5 000 ლარით დააჯარიმეს
„ფედერალისტების“ ერთ-ერთი ლიდერი თამარ ჩერგოლეიშვილი, „ქართული ოცნების“ დეპუტატ არჩილ გორდულაძის შეურაცხყოფის საბაბით, 5 000 ლარით დააჯარიმეს.
საქმე ეხება „ფეისბუქში“ გამოქვეყნებულ სტატუსს, სადაც ჩერგოლეიშვილი არჩილ გორდულაძეს „თალიბანის სი*ს“ უწოდებს.
„სამწუხაროდ არ დამაპატიმრეს. შსს-მ ჯარიმა მოითხოვა და 5000 ლარიანი ჯარიმა დამადეს. ამ ფულს ამოვიღებ სტრასბურგით!“ — წერს ჩერგოლეიშვილი სოციალურ ქსელში.
ეს მეორე შემთხვევაა, როდესაც თამარ ჩერგოლეიშვილი ფეისბუქზე დაწერილი სტატუსისთვის აჯარიმებენ. პირველ შემთხვევაში მას სოციალურ ქსელში მამუკა მდინარაძისა და თეა წულუკიანისთვის შეურაცხყოფის მიყენებას ედავებოდნენ.
ავტორი: ექსპრესნიუსი,
epn.ge (@expressnews.ge)
