The Wall Street Journal-ის თანახმად, აშშ-ის საჰაერო ძალების გაძლიერება ახლო აღმოსავლეთში ყველაზე მასშტაბურია 2003 წელს ერაყში ომის დაწყების შემდეგ. კერძოდ, WSJ წერს, რომ აშშ-მა ახლო აღმოსავლეთში უკვე გაგზავნა დიდი რაოდენობით ავიაგამანადგურებლები და მათი დამხმარე თვითმფრინავები.

ფრენების ონლაინ მონაცემების და აშშ-ის წარმომადგენლების ინფორმაციის მიხედვით, ბოლო რამდენიმე დღის განმავლობაში აშშ-მა ახლო აღმოსავლეთის მიმართულებით უახლესი F-35 და F-22 გამანადგურებლები გადაიყვანა.

ინფორმაციაში ვკითხულობთ, რომ ახლო აღმოსავლეთში იგზავნება მეორე ავიამზიდი, რომელიც თავდასხმისთვის განკუთვნილი და ელექტრონული საბრძოლო თვითმფრინავებითაა დატვირთული. ამასთან ერთად, ირანისკენ მიემართებიან სამეთაურო და საკონტროლო თვითმფრინავები, რომლებიც სასიცოცხლოდ მნიშვნელოვანია ფართომასშტაბიანი საჰაერო კამპანიების ორგანიზებისთვის.

აშშ-ის საზღვაო ძალების წარმომადგენლის თანახმად, აშშ-ს ამჟამად ახლო აღმოსავლეთსა და აღმოსავლეთ ხმელთაშუა ზღვაში პოტენციური ოპერაციის მხარდასაჭერად 13 გემი ჰყავს მობილიზებული, ასევე, ავიამზიდი USS Abraham Lincoln და ცხრა გამანადგურებელი, რომლებსაც ბალისტიკური რაკეტებისგან თავის დაცვა შეუძლიათ.

ამასთან, CNN წყაროზე დაყრდნობით წერს, რომ აშშ-ის სამხედრო ძალები მზად არიან ირანს ამ შაბათ-კვირას დაესხან თავს, თუმცა აშშ-ის პრეზიდენტ დონალდ ტრამპს საბოლოო გადაწყვეტილება ჯერ არ მიუღია.

პარალელურად, ღია წყაროები დაზვერვის (OSINT) ანალიტიკოსები ფრენების ონლაინ მონაცემებზე დაყრდნობით წერენ, რომ აშშ-ს საჰაერო ძალების ათობით სამხედრო თვითმფრინავი ახლო აღმოსავლეთის მიმართულებით მიფრინავს.

OSINT ანალიტიკოსები სოციალურ ქსელებში წერენ, რომ ამერიკული სამხედრო თვითმფრინავების აქტიურობა მაღალია, როგორც აშშ-ს ისე ევროპის საჰაერო სივრცეში.

ამასთან, ირანელი ოფიციალური პირი The Wall Street Journal-თან საუბარში ამბობენ, რომ მიუხედავად აშშ-სთან მოლაპარაკებების გაგრძელებისა, თეირანი მუშაობს, რომ ვაშინგტონთან არსებული უთანხმოება, შესაძლოა, ვერ გადაილახოს და ეს სამხედრო დაპირისპირებაში გადაიზარდოს.

ავტორი: ექსპრესნიუსი,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა