"ძალოვან ვეტერანთა და პატროტთა პოლიტიკური მოძრაობის" თავმჯდომარის გია ბერძენაძის განცხადებით, ვეტერანების საქმეთა სახელმწიფო სამსახურის ხელმძღვანელის  თანამდებობაზე დანიშვნა მისი სურვილი არასოდეს ყოფილა.

"ექსპრესნიუსის" კითხვაზე - ხომ არ მოიაზრება ირაკლი შიხიაშვილის შემცვლელად, აღნიშნა, რომ აქტიურ პოლიტიკაშია ჩართული და ამ სფეროში სამუშაოდ არასდროს წავა. თუმცა, ბერძენაძის თქმით, ვეტერანების საქმეთა სამსახურს ყოველთვის გვერდში დაუდგება.

"მე ვარ იურისტი,  ვარ პოლიტიკაში და დეპარტამენტის ხელმძღვანელად წასვლა ჩემი სურვილი არასოდეს ყოფილა. ადრე კი, ერთი სამი წლის წინ, იყო რაღაც შემოთავაზებების დონეზე, მაგრამ მე ყოველ შემთხვევაში, არანაირი სურვილი არ მქონია. მითხრეს კონკრეტულმა პირებმა, ხომ არ წახვიდოდი სამუშაოდ  ამ სისტემაში და მე კატეგორულად უარი ვთქვი და დღესაც უარზე ვარ და არასოდეს ამ სისტემაში მე  სამუშაოდ არ წავალ.

20-30 000 კაციანი პოლიტიკური მოძრაობის თავმჯდომარე, ინტერპარტიული ჯგუფის წევრი ვარ, ვარ აქტიურ პოლიტიკაში, მთავარი პროკურორის მოადგილე ვიყავი და  ვეტერანთა დეპარტამენტში ნამდვილად არ ვაპირებ წასვლას, მაგრამ  რაშიც დავჭირდები, ყოველთვის მზად ვარ, გვერდში დავუდგე",- განაცხადა გია ბერძენაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე