ბოლო პერიოდში საქართველოში არც ერთი ფაქტი არ დაფიქსირებულა, რომ ჩვენი ქვეყნის მოქალაქე "ისლამურ სახელმწიფოში" წასულიყო, - ამის შესახებ გაერთიანებული კომიტეტების სხდომის დასრულების შემდეგ ირაკლი სესიაშვილმა განაცხადა.

თავდაცვისა და უშიშროების კომიტეტის თავმჯდომარის განმარტებით, სუს-ის სტრუქტურა საკმაოდ ეფექტიანად მუშაობს და ქვეყნის უსაფრთხოება ყველა მოქალაქეზე აისახება.

"ქვეყნის უსაფრთხოება თითოეულ ჩვენთაგანზე აისახება. ამ სამსახურის ეფექტურმა საქმიანობამ ეს პოზიტიური შედეგები მოიტანა. ბოლო პერიოდში საქართველოში არც ერთი ფაქტი არ დაფიქსირებულა, რომ ჩვენი ქვეყნის მოქალაქე წასულიყო "ისლამურ სახელმწიფოში", რაც ამ ეფექტური საქმიანობის შედეგია", - განაცხადა სესიაშვილმა.

ცნობისთვის, პარლამენტში სახელმწიფო უსაფრთხოების სამსახურის უფროსის მოადგილემ ლევან იზორიამ ანგარიში წარადგინა. სუს-ის უფროსის მოადგილეს ადამიანის უფლებათა დაცვის, იურიდიული კომიტეტისა და თავდაცვისა და უშიშროების კომიტეტების გაერთიანებულ სხდომაზე უსმენდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე