გამოცემა New York Times-ის ინფორმაციით, აშშ-ს პრეზიდენტ დონალდ ტრამპს ირანზე თავდასხმის სამხედრო ვარიანტების სია წარედგინა, რომლის მიზანიც ქვეყნის ბირთვული და სარაკეტო ობიექტებისთვის დამატებითი ზიანის მიყენება და ირანის უზენაესი ლიდერის რეჟიმის დასუსტებაა.

გამოცემა აშშ-ს მაღალჩინოსნებზე დაყრდნობით წერს, რომ განხილულ ვარიანტებს შორის არის ირანის ტერიტორიაზე მდებარე სტრატეგიულ ობიექტებზე აშშ-ის ჯარების შესაძლო რეიდებიც, თუმცა, ტრამპს იერიშის მიტანის შესახებ ჯერჯერობით საბოლოო გადაწყვეტილება არ მიუღია.

NYT- ს წყაროების თქმით, ტრამპი ირანის მიმართ ისეთივე მიდგომას იყენებს, როგორიც ვენესუელასთან ჰქონდა: ახლომდებარე რეგიონებში ძალების მობილიზაცია და ქვეყნის ლიდერის მიმართ მუქარა, რომ მის მოთხოვნებს დათანხმდეს ან სამხედრო მოქმედებების წინაშე აღმოჩნდეს.

ცნობისთვის, გამოცემა Reuters-ს წყაროებმა განუცხადეს, რომ აშშ-ს პრეზიდენტი დონალდ ტრამპი ირანის წინააღმდეგ განიხილავს ისეთ ვარიანტებს, რომლებიც უსაფრთხოების ძალებსა და ირანელ ლიდერებზე მიზანმიმართულ დარტყმებს მოიცავს, რათა "რეჟიმის ცვლილებისთვის" შესაბამისი პირობები შეიქმნას. 

თუმცა, ამის პარალელურად ისრაელელი და არაბი მაღალჩინოსნები ამბობენ, რომ ხამენეის რეჟიმის დასამხობად მხოლოდ საჰაერო იერიშები არ იქნება საკმარისი. 

აშშ-დან ორმა წყარომ Reuters-ს განუცხადა, რომ ტრამპს ირანში "რეჟიმის ცვლილებისთვის" წინაპირობის შექმნა სურს. წყაროების თქმით, ამისთვის ტრამპი დემონსტრანტების წინააღმდეგ ძალადობაზე პასუხისმგებელი მეთაურებსა და ინსტიტუტებზე დარტყმების ვარიანტებს განიხილავს, რათა დემონსტრანტებს გაუჩნდეთ თავდაჯერებულობა, რომ ისინი სამთავრობო და უსაფრთხოების ორგანოების შენობების აღებას შეძლებენ. 

ამავდროულად, CNN საკითხზე ინფორმირებულ წყაროებზე დაყრდნობით წერს, რომ ირანის ბირთვული პროგრამისა და ბალისტიკური რაკეტების წარმოების შეზღუდვის შესახებ ვაშინგტონსა და თეირანს შორის მოლაპარაკებების დაწყებამდე წინასწარი დისკუსიების უშედეგოდ დასრულების შემდეგ, პრეზიდენტი დონალდ ტრამპი ირანის წინააღმდეგ ახალ, მასშტაბურ დარტყმებს განიხილავს.

ავტორი: ექსპრესნიუსი,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა