მეოთხედი საუკუნის მოლაპარაკებების შემდეგ, ევროკავშირი და სამხრეთ ამერიკული ბლოკის, „მერკოსურის“ ქვეყნები - ბრაზილია, არგენტინა, პარაგვაი და ურუგვაი - 17 იანვარს ოფიციალურად მოაწერენ ხელს თავისუფალი ვაჭრობის შეთანხმებას.

შეთანხმება 700 მილიონზე მეტ ადამიანსა და გლობალური მშპ-ს მეოთხედს ევროკავშირის ბაზარზე წვდომას უხსნის, ამავდროულად კი ევროპას სამრეწველო და საავტომობილო ექსპორტის ახალ შესაძლებლობებს აძლევს. „ეს იმის სიგნალია, რომ სამხრეთ ამერიკის ეკონომიკები ავტონომიას ეძებენ სავაჭრო კავშირების დივერსიფიკაციით“, - აღნიშნავენ ანალიტიკოსები.

ევროპული სამრეწველო და საავტომობილო გიგანტებისთვის შეთანხმება ახალ შესაძლებლობებს ხსნის: ავტომობილებსა და სათადარიგო ნაწილებზე 35%-იანი ტარიფების გაუქმება ჩინეთის კონკურენციისა და აშშ-ს ტარიფების გამო დაკარგული ბაზრების დაბრუნების შანსს იძლევა.

ბრაზილიის პრეზიდენტმა ლულამ შეთანხმებას „დიალოგისა და თანამშრომლობის იშვიათი გამარჯვება“ უწოდა, ხოლო ევროკომისიის პრეზიდენტმა ფონ დერ ლაიენმა ხაზი გაუსვა მის მნიშვნელობას მრავალმხრივობისთვის „მტრულად განწყობილ და შეთანხმებებზე ორიენტირებულ სამყაროში“.

ავტორი: ექსპრესნიუსი,

სოციალური ქსელები

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა

უგულშემატკივრე ქართველ კალათბურთელებს მსოფლიო ჩემპიონატის შესარჩევ ეტაპზე | საქართველოს ბანკი - ეროვნული საკალათბურთო ნაკრების გენერალური სპონსორი

ევროპარლამენტი: მკაფიო გზავნილი საქართველოს და თურქეთს - რეფორმების გარეშე წინ ვერ წახვალთ