კოალიცია „ქართული ოცნებიდან“ პარტია „ეროვნული ფორუმის“ გასვლის საკითხი 3 აპრილამდე გაირკვევა.

ამის შესახებ „ექსპრესნიუსს“ საპარლამენტო ფრაქცია „ეროვნული ფორუმის“ თავმჯდომარემ სოსო ვახტანგაშვილმა განუცხადა.

როგორც ვახტანგაშვილმა განმარტა, 3 აპრილს პარტიული ყრილობა აქვთ დაგეგმილი. სწორედ ყრილობა გადაწყვეტს აღნიშნულ საკითხს.

დეპუტატის თქმით, ყრილობამდე ცოტა მეტი დრო რომ იყოს დარჩენილი და მოვლენები ისევ ამ სცენარით მიმდინარეობდეს, პარტიას შესაძლოა გადაწყვეტილება დროზე ადრე მიეღო, თუმცა ახლა ყრილობას დაელოდებიან.

„ჩვენ არაერთხელ დავაფიქსირეთ ჩვენი პოზიცია, რომ საზოგადოებასაც და ჩვენს პარტნიორებსაც ჩვენს გადაწყვეტილებას პარტიული ყრილობის შემდეგ ვაცნობებთ.

გადაწყვეტილება უნდა მიიღოს პარტიულმა ყრილობამ. თვენახევრის განმავლობაში კონფერენციები მიმდინარეობდა მთელი საქართველოს მასშტაბით. კონფერენციებმა წარმოადგინეს დელეგატები, რომლებიც ყრილობის გადაწყვეტილების მიღებაში იქნებიან ჩართულნი. ამიტომ ჩვენ საბოლოო პასუხი გვეცოდინება 3 აპრილს, ვინაიდან როგორც იცით „ეროვნული ფორუმის“ ყრილობა 3 აპრილს გაიმართება“, - აცხადებს ვახტანგაშვილი.

მისივე თქმით, თუ დაიწყო გარკვეული პროცესები, შესაძლოა ეს საკითხი იქამდეც გაირკვეს.

„აგერ ვნახეთ კახი კალაძის განცხადება, რომ კარგი იქნება თუ კოალიციის სუბიექტები დამოუკიდებლად მიიღებენ არჩევნებში მონაწილეობას. აგერ „რესპუბლიკელებთან“ დაკავშირებით რაღაც ინფორმაციები და გარკვეული დაუზუსტებელი, მაგრამ მაინც ცნობები, ვრცელდება. ვნახოთ... სულ რამდენიმე დღეღა რჩება. 3 აპრილს ჩატარდება ეროვნული ფორუმის ყრილობა, ასე რომ 3 აპრილს გვეცოდინება საბოლოო პასუხი.

ყრილობამდე დარჩენილი რომ ყოფილიყო ცოტა მეტი დრო და გაკეთებულიყო იმ ტიპის განცხადებები, რა განცხადებაც კალაძემ გააკეთა, ალბათ უფრო კომპაქტურად გაირკვეოდა გარკვეული საკითხები, მაგრამ ახლა 3-4 დღეღაა დარჩენილი, ამიტომ საბოლოო გადაწყვეტილებას ყრილობაზე მივიღებთ“, - განუცხადა „ექსპრესნიუსს“ სოსო ვახტანგაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე