2025-12-29 21:48:16, 5384 ნახვა
საზოგადოება
ქუთაისის საერთაშორისო აეროპორტში ათენიდან Wizz Air-ის ჩარტერული რეისი შესრულდება
Wizz Air ადასტურებს, რომ ფრენები W6 7927 და W6 7928 გაუქმდა უამინდობის გამო. დაზარალებული მგზავრების მხარდასაჭერად დაგეგმილია სპეციალური სარეზერვო ფრენა. თვითმფრინავის ჩამოსვლა ათენის აეროპორტში დაგეგმილია ადგილობრივი დროით 19:15 საათზე, ხოლო გაფრენა ათენიდან ქუთაისის მიმართულებით მოხდება 20:00 საათზე.
აეროპორტების გაერთიანების ინფორმაციით, ქუთაისის საერთაშორისო აეროპორტისთვის ავიაკომპანიის მიერ მიწოდებული ინფორმაციით ჩარტერული რეისი ათენიდან ქუთაისში 00:30 საათზე დაეშვება.
რეისი სპეციალურად ორგანიზებულია ათენში დარჩენილი საქართველოს მოქალაქეების სამშობლოში უსაფრთხოდ დაბრუნების მიზნით.
ავტორი: ექსპრესნიუსი,
epn.ge (@expressnews.ge)
