2016-03-26 18:16:14, 575 ნახვა
საზოგადოება
ნუგზარ ტატალაშვილმა თბილისის გრან პრიზე ოქროს მედალი მოიპოვა
თბილისში მიმდინარე გრან პრიზე ქართველმა ძიუდოისტმა ნუგზარ ტატალაშვილმა ოქროს მედალი მოიპოვა.
ფინალურ შეხვედრაში, 73 კილოგრამ წონით კატეგორიაში, ქართველმა ძიუდოისტმა მონღოლი ოდბაიარ განბაატარი იპონით დაამარცხა.
აღსანიშნავია, რომ ტატალაშვილმა თბილისის ტურნირზე 5 შეხვედრა გამართა, აქედან 4 ჯერ იპონით მოიგო. ტატალაშვილმა კვიპროსელ ანდრეას კრასას, უზბეკ მირალი შარიპოვს, ბრაზილიელ მარსელო კონტინისა და ბერძენ გეორგიოს აზოიდისს აჯობა.
ამ დროისთვის საქართველოს ნაკრების ანგარიშზე 2 ოქრო და 3 ბრინჯაოა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
