„მათ აქვთ კორუფციული სიტუაცია, რომელიც მათთვის სასარგებლო არ არის... მე ვთქვი, რომ ეს სამი წელია გრძელდება, არა? განა ეს არ ვთქვი? ასე რომ, გრაფიკს ვასწრებ. მაგრამ ვფიქრობ, რომ არსებობს დიდი შანსი, რომ შეთანხმებას მივაღწიოთ“, - თქვა ტრამპმა Air Force One-ის ბორტზე ჟურნალისტების კითხვებზე პასუხის გაცემისას.

მან დასძინა, რომ მოლაპარაკებები „კარგად მიმდინარეობს“ და ხაზი გაუსვა მის სურვილს, თავიდან აიცილოს სიცოცხლის დაკარგვა.

 ეროვნული ანტიკორუფციული ბიუროს (NABU) და სპეციალიზებული ანტიკორუფციული პროკურატურის (SAPO) თანამშრომლებმა იერმაკის ბინაში ჩხრეკა ჩაატარეს. თავად იერმაკმა აღნიშნა, რომ მან გამომძიებლებს მის სახლში სრული წვდომა მისცა და მათთან თანამშრომლობს.

გამოძიება „ენერგოატომში“ მითვისების საქმეს უკავშირდება. NABU-ს ცნობით, სქემა ზელენსკის ყოფილმა ბიზნესპარტნიორმა, ტიმურ მინდიჩმა მოაწყო და შესაძლო ბენეფიციარები მაღალი თანამდებობის პირები იყვნენ. საქმის მასალებში ასევე ნახსენებია უკრაინის ეროვნული უსაფრთხოებისა და თავდაცვის საბჭოს მდივანი, რუსტემ უმეროვი, რომელიც 25 ნოემბერს მოწმის სახით დაიკითხა.

გამოძიების ფონზე, ზელენსკის პოლიტიკურ წრეებში გაჩნდა მოწოდებები იერმაკის გადადგომის შესახებ, რათა აღდგეს საზოგადოების ნდობა. პრეზიდენტმა ადრე უარი თქვა ამაზე.

„ენერგოატომის“ საქმე ბოლო წლებში უკრაინაში ჩატარებულ ყველაზე მასშტაბურ კორუფციულ გამოძიებად იქცა და უკვე გამოიწვია ენერგეტიკისა და იუსტიციის მინისტრების გათავისუფლება.

ავტორი: ექსპრესნიუსი,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა