2016-03-25 15:18:12, 542 ნახვა
საზოგადოება
დავით ნარმანიამ ევროკავშირის საელჩოს ოფისში სამძიმრის წიგნში ჩანაწერი გააკეთა
თბილისის მერმა დავით ნარმანიამ ბრიუსელში მომხდარი ტერაქტების გამო ევროკავშირის წარმომადგენლობის ოფისში გახსნილ სამძიმრის წიგნში ჩანაწერი გააკეთა.
როგორც "ექსპრესნიუსს" თბილისის მერიიდან აცნობეს, დავით ნარმანიამ ბელგიელ ხალხს სამძიმარი გამოუცხადა და აღნიშნა, რომ საქართველო ევროპელი ხალხის გვერდით დგას.
„ეს არის საზარელი ტერაქტი, რომელმაც მთელი მსოფლიო შეძრა და რომელიც თავისუფალი, უდანაშაულო ადამიანების წინააღმდეგ იყო მიმართლი. მოვედი აქ იმისათვის, რომ ბელგიელ ხალხს და ჩვენს მეგობრებს მივუსამძიმრო. სამძიმრის წიგნში გავაკეთე ჩანაწერი და ამით მომხდართან დაკავშირებით ჩვენი ღრმა მწუხარება გამოვხატე“, - განაცხადა დავით ნარმანიამ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
