ბეთლემის წმინდა მაცხოვრის ტაძრის წინამძღვარი, არქიმანდრიტი დოროთე დღეს 14:00 საათზე საპატრიარქოში მივა, თუმცა, როგორც სასულიერო პირი  ამბობს,  ზნეობის კომისიაზე დასწრებას, ჟურნალისტების გარეშე არ აპირებს.

მე დღეს მსჯის რუსეთის ეკლესია და ბიძინა ივანიშვილი. ეს არის მათი დავალება, რომელიც უნდა შეასრულოს მეუფე შიომ, მთელი ჩემი ქადაგება არის, რომ გამოვაჩინო საქართველოს მტერი. საქართველოს მტერი არის რუსეთი და "ოცნება".  მზად ვარ და მეც ხელს შევუწყობ მაგაში, რომ თვითონაც გამოაჩინონ ვინ არიან და რატომ მსჯიან, იმიტომ, რომ მე მართლმადიდებლური სწავლებით საერთოდ არ მეკუთვნის სასჯელი. ჩემი დაბარება არის პირდაპირ სატელევიზიო საჯარო გამოსვლებზე, ამიტომ იქ აუცილებლად უნდა იყვნენ ჟურნალისტები. მე მივდივარ 2 საათზე და შევდივარ მხოლოდ თქვენთან, ჟურნალისტებთან ერთად"- ამბობს არქიმანდრიტი. 

საპატრიარქოში კიდევ ერთხელ განმარტავენ, რომ ეპარქიული კომისიის სხდომას, სადაც არქიმანდრიტი დოროთე ყურაშვილია დაბარებული, მედია არ დაესწრება.

„თუ მედიის დასწრებას გულისხმობთ კომისიაზე, ეს არ განიხილება, გუშინ ამის შესახებ განცხადებაც გავავრცელეთ,“- აღნიშნა დეკანოზმა ანდრია ჯაღმაიძემ.

ავტორი: ექსპრესნიუსი,

სოციალური ქსელები

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა