ძალიან მალე ჩვენ დავამტკიცებთ კონკრეტულ სტანდარტებს, რაც დაკავშირებულია შენობების ფასადების, ღობეების გადახურვის იერსახესთან, ფასადებიც, შემოღობვაც, გადახურვაც უნდა იყოს გემოვნებიანი, მოწესრიგებული, უნდა ერგებოდეს ბუნებას, ურბანულ ქსელს, ლანდშაფტს, ეს არის ძალიან მნიშვნელოვანი, - ამის შესახებ საქართველოს პრემიერ-მინისტრმა ირაკლი კობახიძემ მთავრობის სხდომაზე განაცხადა. 

როგორც ირაკლი კობახიძემ აღნიშნა, როცა გაიცემა ახალი ნებართვა, ახალი შენობის აშენების კუთხით, ან რეაბილიტაციის კუთხით, ყველა შესაბამისი ნებართვა დაექვემდებარება სტანდარტებს. 

„კიდევ ერთი საკითხი, რომელსაც მინდა შევეხო, უკავშირდება შენობების იერსახეს, რაზეც აქტიურად ვმუშაობთ ეკონომიკის სამინისტროსთან ერთად. მადლობა მინდა გადავუხადო მარიამ ქვრივიშვილს, რომელმაც დააჩქარა ეს პროცესი და ძალიან წინ ვართ უკვე წასული. ძალიან მალე ჩვენ დავამტკიცებთ კონკრეტულ სტანდარტებს, რაც დაკავშირებულია შენობების ფასადების, ღობეების გადახურვის იერსახესთან. ფასადებიც, შემოღობვაც, გადახურვაც უნდა იყოს გემოვნებიანი, მოწესრიგებული, უნდა ერგებოდეს ბუნებას, ურბანულ ქსელს, ლანდშაფტს, ეს არის ძალიან მნიშვნელოვანი. დღეს თუ გადავხედავთ ჩვენ ჩვენს დასახლებებს, ზოგადად ჩვენი ლანდშაფტი არის ძალიან ლამაზი, თუმცა ხშირად შენობები ხელს არ უწყობს ესთეტიკური თვალსაზრისით იერსახის გალამაზებას, ამიტომ ჩვენ გვჭირდება კონკრეტული სტანდარტების დადგენა, რათა გაუმჯობესდეს არქიტექტურული გემოვნება, როგორც სოფლად, ასევე ქალაქად ჩვენ გვინდა მომავალში მივიღოთ უფრო მოწესრიგებული შენობა-ნაგებობები. ამ კუთხით ვფიქრობთ, რომ სახელმწიფოს ჩარევა არის მნიშვნელოვანი და აუცილებელიც. აქედან გამომდინარე, ვთხოვე ეკონომიკის სამინისტროს დასახლებების ვიზუალური, ესთეტიკური და სხვა მახასიათებლების საერთო პრინციპებით რეგულირება, შესაბამისი სტანდარტების შემუშავება და კიდევ ერთხელ ვიტყვი, რომ პრაქტიკულად უკვე დასრულების პროცესშია ეს სამუშაო და ძალიან მალე ეს სტანდარტები იქნება დადგენილი. როცა გაიცემა ახალი ნებართვა, ახალი შენობის აშენების კუთხით, ან რეაბილიტაციის კუთხით, ყველა შესაბამისი ნებართვა დაექვემდებარება სწორედ ამ სტანდარტებს და ვფიქრობ, რომ ეტაპობრივად წლიდან წლამდე, გაუმჯობესდება ჩვენი დასახლებების იერსახე. ეკონომიკის სამინისტრო მუშაობს შესაბამის პროფესიულ წრეებთან, მუშაობა არის დასკვნით ეტაპზე და საზოგადოებას ახლო მომავალში წარვუდგენთ შედეგებს. ვფიქრობ, რომ ეს არის ერთ-ერთი მნიშვნელოვანი ინიციატივა, რომელიც წარმატებით უნდა განხორციელდეს", - განაცხადა ირაკლი კობახიძემ.

ავტორი: ექსპრესნიუსი,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა