მინდა, მივესალმო შიმშილობის შეწყვეტის გადაწყვეტილებას, ეს არის ერთადერთი სწორი გადაწყვეტილება. შიმშილობა, მე პირადად, არ მიმაჩნია პოლიტიკური დიალოგის ფორმად კოლეგებთან, ამიტომაც, მივესალმები ელენეს გადაწყვეტილებას შიმშილობის შეწყვეტასთან დაკავშირებით, – ამის შესახებ „ლელოს“ წევრმა, გრიგოლ გეგელიამ განაცხადა.

„რაც შეეხება დანარჩენს, მე ვფიქრობ, რომ არის მაღალი შანსი იმისა, რომ დღეს საქართველოს დემოკრატიული ძალები, უშვებდნენ შეცდომას, რომელსაც შეიძლება, ჰქონდეს მძიმე ფასი და გავლენა დიდი ხნის განმავლობაში. თუმცა, ეს არის მათი არჩევანი, მე პატივს ვცემ კოლეგების ნებისმიერ გადაწყვეტილებას და არ ვაპირებ, მოვუწოდო კოლეგებს ნებისმიერი გადაწყვეტილების სისწორისკენ, ეს არ მგონია სწორი. ყველა პოლიტიკურ სუბიექტს გააჩნია საკუთარი ხედვა, პოლიტიკური გადაწყვეტილება და მე პატივს ვცემ. რაც შეეხება ჩვენს გადაწყვეტილებას, ჩვენ ამას საზოგადოებას შევატობინებთ სწორ დროს. ჩვენ გვაქვს ჩვენი გზა, ხედვა და საზოგადოება მალე შეიტყობს“, – განაცხადა გეგელიამ.

მისივე თქმით, ელენე ხოშტარიასთან კომუნიკაცია არ ჰქონია.

რაც შეეხება კითხვას, არის თუ არა რაიმე სიახლე რვა ოპოზიციური პარტიის განცხადებაში არჩევნებში მონაწილეობაზე უარის თქმასთან დაკავშირებით, გეგელია ამბობს:

„ჩვენ გუშინ ვიხილეთ იმ პოლიტიკური სუბიექტების განცხადება, ვისგანაც ისედაც ვიცოდით, რომ არ აპირებდნენ არჩევნებში მონაწილეობას. მე ვერ ვიტყოდი, რომ ჩვენ რაიმე ახალი მოვისმინეთ, გუშინ ჩვენ გავიგეთ ისევ ის, რომ ეს პოლიტიკური სუბიექტები არ განიხილავენ არჩევნებში მონაწილეობას. ეს არის მათი გადაწყვეტილება, ჩვენ ბუნებრივია, გვაქვს ჩვენი ხედვა, გზა და ვიმოქმედებთ შესაბამისად. საზოგადოებას სულ მალე ეცოდინება ჩვენი საბოლოო გადაწყვეტილების თაობაზე. გუშინ, ჩვენ ახალი არაფერი არ მოგვისმენია“, – განაცხადა გეგელიამ.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”