ამერიკის შეერთებული შტატების სახელმწიფო მდივნის თანაშემწე ვიქტორია ნულანდი, უკრაინიდან მიხეილ სააკაშვილისა და ზურაბ ადეიშვილის ექსტრადირებაზე საქართველოს პროკურატურის მოთხოვნასთან დაკავშირებით, კომენტარს არ აკეთებს.

როგორც ნულანდმა „ნაციონალური მოძრაობის“ ლიდერებთან შეხვედრის დასრულების შემდეგ ჟურნალისტებს განუცხადა, ექსტრადიციის საკითხი, მხოლოდ საქართველოსა და უკრაინის საქმეა.

„რამდენადაც ჩვენ ვიცით, უკრაინაში სააკაშვილი პრეზიდენტ პოროშენკოს მიერ შექმნილ მრჩეველთა საბჭოში მუშაობს. ყოფილი პრეზიდენტი კერძო მოქალაქეა და ეს მისი გადაწყვეტილებაა. რაც შეეხება ექსტრადიციის მოთხოვნას, ეს ორი ქვეყნის საქმეა და ამაზე კომენტარს არ გავაკეთებ“, - განაცხადა ვიქტორია ნულანდმა.

შეგახსენებთ, საქართველოს მთავარი პროკურატურის ინფორმაციით, უკრაინულმა მხარემ ექს-პრეზიდენტ მიხეილ სააკაშვილისა და იუსტიციის ყოფილ მინისტრ ზურაბ ადეიშვილის ექსტრადირებაზე უარი თქვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს