„საქართველოს ალიანსი უსაფრთხო გზებისთვის” გამგეობის თავმჯდომარის, ეკა ლალიაშვილის განცხადებით, მიმდინარე წლის პირველ სამ თვეში ავტოსაგზაო შემთხვევას ემსხვერპლა 112 და დაზიანდა 1 763 ადამიანი, რაც იმას ნიშნავს, რომ დაღუპულთა და საგზაო შემთხვევათა რიცხვი 20%-ით არის გაზრდილი.

აღნიშნულის შესახებ ეკა ლალიაშვილმა „კვირის პრესკლუბში“ განაცხადა, სადაც ავტოსაგზაო შემთხვევების წლის პირველი კვარტლის სტატისტიკა წარმოადგინა.

„პირველ-სამ თვეში დაიღუპა 112, დაზიანდა 1763 პირი, 1660 საგზაო შემთხვევა მოხდა. წინა წლის იგივე პერიოდთან შედარებით, ეს გვაჩვენებს, რომ 20%-ით არის გაზრდილი დაღუპულთა რიცხვი და საგზაო შემთხვევები, 18%-ით აზრის გაზრდილი დაზიანებულთა ოდენობა. ვფიქრობ, რომ აღნიშნული სტატისტიკა საყურადღებოა, რადგანაც 20%-იანი ზრდა უკვე ყოველგვარ მოლოდინს აჭარბებს და სახელმწიფო დონეზე რაღაც აუცილებლად გასაკეთებელია. ასევე, გასათვალისწინებელია, რომ ფეხით მოსიარულე 50 პირი, რაც ნიშნავს იმას, რომ დაღუპულთა შორის ყოველი მეორე იყო ფეხით მოსიარულე. ესეც ძალიან მნიშვნელოვანი სიგნალია იმისა, რომ ქვეითების უსაფრთხოების კუთხით პროაქტიული ქმედებები დაიწყოს.

რაც შეეხება გამომწვევ მიზეზებს და დარღვევებს, ფეხით მოსიარულეთა მიმართულებით წამყვანი იყო დარღვევების ოდენობა. ასევე, წამყვან ფაქტორად რჩება სიჩქარის გადაჭარბება, რომელიც მაღალ მსხვერპლს იწვევს საგზაო შემთხვევების დროს, ასევე მანევრირების დროს საპირისპირო ზოლში გადასვლა და მოძრაობის გაგრძელება. ეს წამყვანი ფაქტორები გამოწვევად კვლავ რჩება. ჩვენთვის ეს ძალიან შემაშფოთებელია“, - განაცხადა ეკა ლალიაშვილმა.

ავტორი: ექსპრესნიუსი,

სოციალური ქსელები

პუტინის რეჟიმმა სუმს დაარტყა გარდაიცვალა 4 ადამიანი მათ შორის ბავშვი, დაიჭრნენ ბავშვები

ზელენსკი: ნიდერლანდები დათანხმდა სპეციალური ტრიბუნალის შექმნას რუსეთის აგრესიის გამოსაძიებლად

ტეილორ სვიფტი და ტრევის კილსი დაქორწინდნენ: ახალი ერა ამერიკის „სამეფო წყვილისთვის“ დაიწყო

პუტინი: კონსტანტინოვკას განთავისუფლებას სტრატეგიული მნიშვნელობა აქვს დემოკრატიული რესპუბლიკისთვის