2016-03-17 12:36:42, 621 ნახვა
საზოგადოება
სახელმწიფო უსაფრთხოებისა და კრიზისების მართვის საბჭოს მდივანი ესტონეთის ელჩს შეხვდა
სახელმწიფო უსაფრთხოებისა და კრიზისების მართვის საბჭოს მდივანი, მინდია ჯანელიძე ესტონეთის ელჩს საქართველოში, პრიიტ ტურკსა და ესტონეთის სამხედრო ატაშეს, ვიცე-პოლკოვნიკ კულდარ კესკულას შეხვდა.
შეხვედრაზე განიხილეს რეგიონში არსებული ვითარება და უსაფრთხოებასთან დაკავშირებული საკითხები. მხარეებმა ასევე ისაუბრეს კიბერუსაფრთხოების თემებზე, ამ მიმართულებით, ესტონეთსა და საქართველოს შორის მიმდინარე და დაგეგმილ თანამშრომლობაზე.
შეხვედრას ასევე ესწრებოდნენ სახელმწიფო უსაფრთხოებისა და კრიზისების მართვის მდივნის მოადგილე ლევან ღირსიაშვილი და შიდა უსაფრთხოებისა და მართლწესრიგის დეპარტამენტის უფროსი გიორგი სვანაძე.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
