ისეთ რეგიონში ვცხოვრობთ, ჩვენს გარშემო სვავები არ ჩერდებიან და აგერ უკვე ამ სვავმა მოძებნა ახალი, პიჯაკებში გამოწყობილი, 21-ე საუკუნის სერგო ორჯონიკიძეები და ფილიპე მახარაძეები , - ამის შესახებ კოალიცია “ძლიერი საქართველოს” ერთ-ერთმა ლიდერმა ალეკო ელისაშვილმა საქართველოს დამოუკიდებლობის დღესთან დაკავშირებით საუბრისას განაცხადა.

ელისაშვილის თქმით, ქვეყნის თავისუფლებასა და დამოუკიდებლობას მუდმივი დაცვა და ბრძოლა სჭირდება.

“ყველას ვულოცავ საქართველოს სახელმწიფო თავისუფლებისა და დამოუკიდებლობის დღეს. დამოუკიდებლობა და სახელმწიფო ისეთი რამ არის, მუდმივად უნდა დაიცვა, მუდმივად უნდა იბრძოლო, მუდმივად უნდა გაუფრთხილდე იმიტომ, რომ ისეთ რეგიონში ვცხოვრობთ, ჩვენს გარშემო სვავები არ ჩერდებიან და აგერ უკვე ამ სვავმა მოძებნა ახალი, პიჯაკებში გამოწყობილი, 21-ე საუკუნის სერგო ორჯონიკიძეები და ფილიპე მახარაძეები.

რთულია, მძიმე ბრძოლაში ვართ, გრძელი გზა გვაქვს გასავლელი, მაგრამ რა ვქნათ, საქართველო ერთადერთია და მისთვის ბრძოლაც ღირს, ნერვების მოშლაც და ძალიან მომქანცველ, შეუპოვარ ბრძოლაში შესვლაც, ასე რომ ვიბრძოლებთ და გავიმარჯვებთ აუცილებლად”, - განაცხადა ალეკო ელისაშვილმა.

ავტორი: ექსპრესნიუსი,

სოციალური ქსელები

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება

HRW საქართველოში არასამთავრობო ორგანიზაციების მდგომარეობაზე ანგარიშს აქვეყნებს

უკრაინამ ბოლო 4 დღეში აზოვის ზღვაში 35 რუსულ ტანკერს დაარტყა