სახელმწიფო სერვისების განვითარების სააგენტოში საჯარო ბიბილიოთეკების განვითარების მეორე ეტაპზე მუშაობა დაიწყო. 

სააგენტოს ინფორმაციით, თბილისის იუსტიციის სახლში, პროექტის სახელწოდებით „საჯარო ბიბლიოთეკები ადგილობრივი განვითარებისთვის - ფაზა II" გახსნის ღონისძიება მოეწყო. შეხვედრაზე პროექტის მიზნებსა და გეგმებზე ისაუბრეს.

საჯარო ბიბილიოთეკების განვითარება სერვისების განვითარების სააგენტოს პარტნიორების IREX-ის Beyond Access პროგრამის ფარგლებში მიმდინარეობს. პროექტი  2016 წლის იანვარში  და  2017 წლის აპრილში დასრულდება.

მიმდინარე პროგრამის ფარგლებში, საზოგადოებრივი ცენტრის კონცეფცია  ოთხ ბიბლიოთეკაში დაინერგება, კერძოდ -  ბაკურიანში, ფასანაურში, ვალესა და ფოკაში. მოხდება აღნიშნული ბიბლიოთეკების სრული რეაბილიტაცია, ინტერნეტით, ლიტერატურით, ავეჯითა და ტექნიკით აღჭურვა.

ამავე პროექტის გარგლებში, ათ  ბიბლიოთეკაში (ხიხაძირი, შუახევი, ნიგვზიანი, ლანჩხუთი, საყულია, ფარცხანაყანები, ძეგვი, ქსანი, ახმეტა, წალკა) პორტალ www.my.gov.ge -ს ონლაინ სერვისები დაინერგება. ამისთვის, ბიბლიოთეკებს  კომპიუტერები და ID ბარათის წამკითხველები გადაეცემათ.

აღსანიშნავია ის, რომ „საჯარო ბიბლიოთეკები ადგილობრივი განვითარებისთვის პირველი ფაზის ფარგლებში ოთხი ბიბლიოთეკის განვითარება მოხდა. ძველი ბიბლიოთეკები სრულად განახლდა და ახალი, თანამედროვე ტიპის ელექტრონული ბიბლიოთეკები შეიქმნა, რამაც მნიშვნელოვნად გაზარდა მომხმარებელთა რიცხვი.  თუკი ადრე ბიბლიოთეკებში თვეში  20–30 ადამიანი დადიოდა, ამჯამად მათი რიცხვი 500–600-მდე გაიზარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს