2025-04-01 11:43:51, 600 ნახვა
პოლიტიკა
კუპრაძე - 13:00 საათზე მამუკა ხაზარაძე დაბარებულია სასამართლოში, გამოკითხვის ოქმის გასაცნობად და ხელმოსაწერად
„ძლიერი საქართველოს“ ლიდერი, მამუკა ხაზარაძე დღეს, საქალაქო სასამართლოში გამოკითხვის ოქმის გასაცნობად, ხოლო პროკურატურაში ბრალის წარსადგენად არის დაბარებული. ამის შესახებ ინფორმაციას „ძლიერი საქართველოს“ ერთ- ერთი ლიდერი, ირაკლი კუპრაძე ავრცელებს.
მისივე განმარტებით, მამუკა ხაზარაძე სასამართლოშიც და პროკურატურაშიც მისვლას აპირებს.
„ივანიშვილი აგრძელებს მისი მთავარი ოპონენტების დევნას! 13:00 საათზე მამუკა ხაზარაძე დაბარებულია სასამართლოში, გამოკითხვის ოქმის გასაცნობად და ხელმოსაწერად. 14:00 საათზე ივანიშვილის პროკურატურაში ბრალის წარსადგენად. ორივეგან ვიქნებით! არცერთი ნაბიჯი უკან!“- წერს ირაკლი კუპრაძე „ფეისბუქზე“.
ავტორი: ექსპრესნიუსი,
epn.ge (@expressnews.ge)
