"MEGOBARI აქტის" მხარდამჭერმა მსვლელობამ რუსთაველის გამზირზე, პარლამენტის მიმდებარე ტერიტორიაზე გადაინაცვლა.

ისინი რუსთაველის გამზირზე აქციის სხვა მონაწილეებს შეუერთდნენ. უწყვეტი პროტესტის 115-ე დღეს, აქციის მონაწილეებმა მთავარ გამზირზე ამერიკის გიგანტური დროშა გაშალეს. 

აქციის მონაწილეები სკანდირებენ- "საქართველოს გაუმარჯოს", "საქართველოსა და ამერიკის მეგობრობას- გაუმარჯოს". 

აქციის მონაწილეები დღეს საღამოს მარჯანიშვილის მოედანზე შეიკრიბნენ. ეროვნული ჰიმნის შესრულების შემდეგ ისინი საქართველოს პარლამენტისკენ გაემართნენ.

აქციის მონაწილეებს ხელში ეჭირათ ამერიკული დროშები, დონალდ ტრამპის, კონგრესმენის ჯო უილსონის, რომელიც არის კანონპროექტის ავტორი და სენატორი ჯიმ რიშის პორტრეტები, რომელმაც ინიციატივა კონგრესის ზედა პალატას გააცნო. აქციის ზოგიერთ მონაწილეს ეჭირა პლაკატები, რომლებიც ითხოვდნენ სანქციების დაწესებას მმართველი პარტიის „ქართული ოცნების“ ლიდერების წინააღმდეგ.

დღევანდელი აქცია ორგანიზებული იყო არასამთავრობო ორგანიზაციების მიერ, რომლებიც მხარს უჭერენ საქართველოს მისწრაფებას გაწევრიანდეს ევროატლანტიკურ თანამეგობრობაში და ჩართულნი არიან უსაფრთხოების საკითხებში, კორუფციასთან ბრძოლაში და ადამიანის უფლებების დაცვაში. აქციას რამდენიმე ოპოზიციური პოლიტიკოსი შეუერთდა

ავტორი: ექსპრესნიუსი,

სოციალური ქსელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი