საპროცედურო საკითხთა და წესების კომიტეტმა მეორე მოსმენით განიხილა „საქართველოს პარლამენტის რეგლამენტში ცვლილების შეტანის შესახებ" კანონპროექტი თანმდევ საკანონმდებლო პაკეტთან ერთად.

კომიტეტის თავმჯდომარის დავით მათიკაშვილის განმარტებით, რეგლამენტის პროექტის მიღების შემთხვევაში, საქართველოს პარლამენტის რეგლამენტით გათვალისწინებულ საჯარო გადაწყვეტილებათა მიღების პროცესში სავალდებულო აღარ იქნება არასამთავრობო ორგანიზაციათა მონაწილეობა.

პარლამენტის რეგლამენტის დღეს მოქმედი რედაქცია ითვალისწინებს საჯარო გადაწყვეტილებების მიღების პროცესში არასამთავრობო ორგანიზაციების სავალდებულო მონაწილეობას. როგორც კომიტეტის სხდომაზე აღინიშნა, არსებულმა რეალობამ ცხადყო, რომ რეგლამენტით გათვალისწინებული არასამთავრობო ორგანიზაციების მონაწილეობის სავალდებულოობა ვერ ასრულებს იმ რეალურ მიზანს, რასაც ემსახურებოდა კანონმდებლის ნება. თუმცა, კანონი არასამთავრობო ორგანიზაციებს შესაძლებლობას აძლევს სურვილის შემთხვევაში მონაწილეობა მიიღონ მათთვის საინტერესო საკითხების განხილვაში.

ამავე პროექტით ახლებურად ყალიბდება ცესკოს წევრის არჩევის პროცედურა. წარმოდგენილი ცვლილებით, იხვეწება დღეს არსებული პრაქტიკა, რომლის მიხედვითაც არჩეულად ითვლება ცესკოს წევრობის ის კანდიდატი, რომელსაც კენჭისყრისას მხარი დაუჭირა პარლამენტის სრული შემადგენლობის სამმა მეხუთედმა. კონსტიტუციური პრინციპიდან გამომდინარე, საქართველოს პარლამენტი სრული შემადგენლობის უმრავლესობით წყვეტს ისეთ მნიშვნელოვან საკითხებს, როგორიცაა - საქართველოს პარლამენტის რეგლამენტში ცვლილება, საქართველოს პარლამენტის თავმჯდომარის არჩევა და სხვა. გარდა ამისა, პარლამენტი სრული შემადგენლობის უმრავლესობით ახორციელებს საერთაშორისო ხელშეკრულებების რატიფიცირებას, დენონსირებასა და გაუქმებას. შესაბამისად, აღნიშნული კონსტიტუციური პრინციპი გავრცელდება ცესკოს წევრის არჩევის წესზეც.

კომიტეტის წევრებმა მხარი დაუჭირეს საკითხის მეორე მოსმენით პლენარულ სხდომაზე გატანას.

ავტორი: ექსპრესნიუსი,

სოციალური ქსელები

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის