მოხარული ვარ, მივიღო დღეს აქ პრეზიდენტი ზელენსკი, ძვირფასო ვოლოდიმირ, თქვენ ყოველთვის მისასალმებელი სტუმარი ხართ აქ, ბრიუსელში, დღეს არის ძალიან მნიშვნელოვანი მომენტი, რათა გავაძლიეროთ ევროპული უსაფრთხოება, – ასე მიმართა, ევროკავშირის საგანგებო სამიტის დაწყებამდე, ევროპული საბჭოს პრეზიდენტმა, ანტონიუ კოშტამ უკრაინის პრეზიდენტს, ვოლოდიმირ ზელენსკის.

კოშტას თქმით, უფრო ძლიერი ევროპული თავდაცვა აძლიერებს უკრაინის თავდაცვას და უსაფრთხოებას, ასევე უკრაინის ძლიერი თავდაცვა და უსაფრთხოება არის მნიშვნელოვანი ევროპის თავდაცვის გასაძლიერებლად.

„როგორც გახსოვთ, ერთი თვის წინ ჩვენ გვქონდა ძალიან მნიშვნელოვანი დისკუსია, თუმცა დღეს აქ შევიკრიბეთ, რათა მივიღოთ გადაწყვეტილებები და შევასრულოთ ისინი. მინდა, მადლობა გადავუხადო ევროკომისიას, რომელმაც ასე მალე წარადგინა კონკრეტული შეთავაზებები, რაც გვაძლევს შესაძლებლობას, მივიღოთ კონკრეტული გადაწყვეტილებები, რათა გავზარდოთ საკუთარი შესაძლებლობები. ევროპის უსაფრთხოება და თავდაცვა არ არის გამიჯნული უკრაინის უსაფრთხოებისა და თავდაცვისგან. უფრო ძლიერი ევროპული თავდაცვა აძლიერებს უკრაინის თავდაცვას და უსაფრთხოებას, ასევე უკრაინის ძლიერი თავდაცვა და უსაფრთხოება არის მნიშვნელოვანი ევროპის თავდაცვის გასაძლიერებლად. ჩვენ აქ ვართ, რათა დავეხმაროთ უკრაინას ყოვლისმომცველი, სამართლიანი და გრძელვადიანი მშვიდობის მიღწევაში. ძვირფასო ვოლოდომირ, ჩვენ თქვენ გვერდით ვართ პირველივე დღიდან და გავაგრძელებთ თქვენ გვერდით დგომას მომავალშიც სამშვიდობო მოლაპარაკებებში, როდესაც თქვენ ამას გადაწყვეტთ, რომ დადგა სწორი მომენტი მოლაპარაკებებისთვის, და რაც ყველაზე მნიშვნელოვანია, მომავალში, როგორც ევროკავშირის წევრ სახელმწიფოსთან“, – განაცხადა კოშტამ.

ავტორი: ექსპრესნიუსი,

სოციალური ქსელები

ტრამპი: აშშ ირანზე ახალი დარტყმებისთვის ემზადება

ტრამპი: აშშ უკრაინას Patriot-ის სისტემებისა და რაკეტების წარმოების ლიცენზიას მისცემს

„მოიწვიე ფინედუ კლასში“ - საქართველოს ბანკის მხარდაჭერით გამართულ ფინანსური განათლების გაკვეთილებს 1000-ზე მეტი მოსწავლე დაესწრო

ნატოს სამიტზე სტარმერმა ევროპას შორი მოქმედების იარაღისთვის 50 მლრდ-იანი გეგმა წარუდგინა