ისლამური სახელმწიფოს ერთ-ერთი ლიდერი ომარ ალ შიშანი, იგივე თარხან ბათირაშვილი ცოცხალია, თუმცა ის მძიმედ არის დაჭრილი. ამის შესახებ, ინფორმაციას სირიაში მოქმედი ადამიანის უფლებათა დაცვის ბრიტანული სადამკვირვებლო მისია ავრცელებს.

შეგახსენებთ, რომ 4 მარტს შეერთებულმა შტატებმა სირიის ტერიტორიაზე პანკისელი ომარ ალ შიშანის განადგურების მიზნით იერიშები განახორციელა. დასავლური მედია ამერიკული სამხედრო ძალების წარმომადგენელზე დაყრდნობით იუწყებოდა, რომ ალ-შიშანი ერთ-ერთი საჰაერო ოპერაციის შედეგად მოკლეს.

პანკისის ხეობაში თარხან ბათირაშვილის ლიკვიდაციის შესახებ ინფორმაციას არ ადასტურებენ. ადგილობრივების განმარტებით, თარხან ბათირაშვილის სიკვდილის შემთხვევაში 5 დღის განმავლობაში პანკისი ამ ცნობას მიიღებდა. ინფორმაცია ალ-შიშანის ლიკვიდაციის შესახებ არ აქვს თარხან ბათირაშვილის მამასაც.

ცნობისთვის, ამერიკის სახელმწიფო დეპარტამენტს თარხან ბათირაშვილი ტერორისტთა სიაში ჰყავდა შეყვანილი და მის შესახებ ინფორმაციის სანაცვლოდ ფულადი ჯილდო ჰქონდა დაწესებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მერცი: აშშ-მ გერმანიისთვის Tomahawk-ის მიყიდვას დაამტკიცა

კალაძე: ბიძინა ივანიშვილი საქართველოს უახლეს ისტორიაში მართლაც ოქროს ასოებით ჩაიწერება

ISFED-მა იმედის 26 მაისის ქარდის მომწონებლებს შორის 1 500-ზე მეტი ტროლ-ბოტი გამოავლინა

მერცის განცხადებით, გერმანიამ Tomahawk-ის რაკეტების შესყიდვის შესახებ აშშ-სთან შეთანხმებას მიაღწია