საქართველოს მე-5 პრეზიდენტმა, სალომე ზურაბიშვილმა ბრიფინგი გამართა, სადაც დღეს დილით მასზე განხორციელებულ თავდასხმაზე ისაუბრა.

მისი თქმით, დღეს მასზე ორგანიზებული თავდასხმა განხორციელდა და ამასთან დაკავშირებით მან უკვე შეიტანა საჩივარი.მან ასევე მიზეზებზე გაამახვილა ყურადღება და აღნიშნა, რომ ეს თავდასხმა მიუნხენის კომფერენციაში მისმა მონაწილეობამ გამოიწვია.

“ყველაფრის გატარება არ შეიძლება. საჩივარი შევიტანე, გამოძიება მოვითხოვე, ყველაფერს ბოლომდე მივიყვანთ. ადგილი ჰქონდა, ორგანიზებულ ძალადობას, შემდგომ უკვე პოლიტიკოსების მიერ, “ოცნების“ მიერ გამართლებული ძალადობა პრზიედენტის მიმართ. არ აქვს მნიშვნელობა ისინი პრეზიდენტს ცნობენ თუ არა, ეს არის სახელმწიფო და ეს ნიშნავს, რომ სახელმწიფოს არ სცემენ პატივს. მე ვარ იმისი სიმბოლო, როსაც ებრძვის “ოცნება“ ქართულ სახელმწიფოს, ტრადიციებს, ზრდილობას, რომელიც დიდი ხანია დაავიწყდათ და საქართველოს სურათს მსოფლიოში.  იმიტომ რომ  იმ დროს როცა მიმიღეს, როგორც მიმიღეს მიუნხენში, პარიზში და თუ სადაც მიმიღეს, ეს არის მათი რეაქცია, პატარა კაცების პატარა ბოღმა, ეს ბოღმა ვერსად წავა.

საზოგადოება კარგად ხედავს რა ხდება და რატომ, ესენი ვერაფერს გადიან. სახელმწიფო რეალურად ამაზე ბევრად მეტია, ბევრად დიდია და ესენი ვერ მართავენ, აღარა იციან რას ნიშნავს ქვეყნის მართვა. ერთადერთი რაც შეუძლიათ, ეს არის რეპრესიული ზომების მიღება და კვერცხის სროლა. რა უსუსური უნდა იყო, რომ ამაზე დახვიდე, როცა შენ ხარ ხელისუფლება, მაგრამ ესენი აღარ არიან ხელისუფლება, არიან რეჟიმი, რა სისუსტეს ავლენს რეჟიმი, როცა ასაკოვანი ქალის მიმართ, რომელსაც პრეზიდენტად არ ცნობენ, ასე იქცევი, ეს თუ სისუსტის არა, არ ვიცი რისი ნიშანია“, - განაცხადა ზურაბიშვილმა.

ავტორი: ექსპრესნიუსი,

სოციალური ქსელები

ჩერგოლეიშვილი – ღნავიან, სასამართლოს დაწვის ამოცანით შენობაში შეჭრილ ელისაშვილს ამდენი წელი რატომ მიუსაჯესო, ამ უპასუხისმგებლო არსების ჰეროიზაციას ახდენენ

წინასწარ შემიძლია ვთქვა, რომ ზარალი იქნება დიდი – კახეთის რწმუნებული ადიდებულ მდინარეზე

თელავში უხვი ნალექის შედეგად დაიტბორა საცხოვრებელი სახლებისა და შენობების პირველი სართულები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან