საქართველოს ენერგეტიკის მინისტრის კახი კალაძის განცხადებით, საარჩევნო  დაპირება ელეტროენერგიაზე და ბუნებრივ აირზე  ტარიფების შემცირებასთან დაკავშირებით შეასრულეს, თუმცა   ლართან მიმართებაში დოლარის გამყარებამ ვითარება შეცვალა და  ტარიფების ძველ ნიშნულზე დაბრუნება მოუწიათ.

ამის შესახებ კალაძემ დარგობრივი ეკონომიკისა და ეკონომიკური პოლიტიკის და საგარეო ურთიერთობათა კომიტეტებისა და ტერიტორიული მთლიანობის აღდგენის საკითხთა დროებითი კომისიის გაერთიანებული სხდომაზე „ნაციონალური მოძრაობის“ წევრის ეკა ხერხეულიძის კითხვაზე საპასუხოდ განაცხადა.

„როდესაც მოვედით ხელისუფლებაში, მაშინვე დავიწყეთ მუშაობა ტარიფების შემცირებასთან დაკავშირებით. შეიქმნა სპეციალური ჯგუფი, სადაც გაწევრიანებული იყო სხვადასხვა არასამთავრობო ორგანიზაციები, ექსპერტები, სამინისტროს თანამშრომლები, მარეგულირებელი კომისიიდან იყვნენ წევრები ჩართულები ამ პროცესში, რომ მოგვეხერხებინა ტარიფების ჩემცირება. პირველი იყო ელექტროენერგიის მიმართულებით დაწყებული მუშაობა, რაც  წარმატებული იყო, რადგან მოვახერხეთ, 4 თეთრით შეგვემცირებინა ელექტროენერგიის საფასური ისე, რომ ეს კმპანიებისთვის არ ყოფილიყო პრობლენა და წინასაარჩევნოდ გაცემული პირობაც შესრულებული ყოფილიყო. თუ თქვენ საუბრობთ იმაზე, რომ დღეს, უკვე სამი წლის შემდეგ,  გვაქვს განსხვავებული რეალობა ქვეყანაში,  დოლარის გამყარებამ ლართან მიმართებაში გამოიწვია გარკვეული პრობლემები, ასევე ენერგეტიკის დარგში. სერიოზული პრობლემები შეექმნა ენერგეტიკის დარგს და ტარიფის ისევ ძველ ნიშნულზე დაბრუნება ეს იყო გარდაუვალი. თუ ეს არ მოხდებოდა, შესაძლებელი იყო მომავალი წლების განმავლობაში საერთოდ  ენერგეტიკა ჩამოშლილიყო. ასევე მოხდა ბუნებრივ აირზე 5 თეთრით შემცირება ტარიფისა. მე ვფიქრობ, წინასაარჩევნოდ რაც იყო გაცემული პირობა ტარიფების შემცირებისა, ეს ჩვენ მოვახერხეთ, თუმცა დღეს გვაქვს განსხვავებული რეალობა, რის გამოც ტარიფის ძველ ნიშნულზე დაბრუნება მოგვიწია“, -განაცხადა კახა კალაძემ, რასაც სხდომაზე ხმაური მოყვა.

„თქვენ შეასრულეთ დაპირება ?! თქვენ ხალხს ატყუებდით ტარიფების განახევრებაზე“, -მიმართა მინისტრს ეკა ხერხეულიძემ.

საპასუხოდ კალაძემ განმარტა: „ვერ ნახავთ ვერც ერთ ვიდეომასალას, სადაც მე გამოვდიოდე და ვსაუბრობდე  ტარიფების განახევრებაზე, ასეთი ისტორიაში არ ყოფილა“, - აღნიშნა კალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე