რუსეთი მთელ ევროპას ემუქრება, - ამის შესახებ დანიის პრემიერ-მინისტრმა, მეტე ფრედერიქსენმა პარიზში, ევროპელი ლიდერების საგანგებო სამიტის დასრულების შემდეგ განაცხადა.

„სამწუხაროდ, ახლა რუსეთი მთელ ევროპას ემუქრება. ყველაზე მნიშვნელოვანი ახლა ის არის, რომ უკრაინელებმა ის მიიღონ, რაც სჭირდებათ, რათა ეს ომი არ წააგონ და საუკეთესო მდგომარეობაში იყვნენ“, - განაცხადა მეტე ფრედერიქსენმა.

მისი თქმით, მოლაპარაკებებში უკრაინის პირდაპირი ჩართვის გარეშე სამშვიდობო შეთანხმების მიღწევა შეუძლებელია.

ამასთან, პოლონეთის პრემიერ-მინისტრის, დონალდ ტუსკის განცხადებით, დონალდ ტრამპის მმართველობის პერიოდში აშშ-ისა და ევროკავშირის ურთიერთობები ახალ ეტაპზე გადადის.

„თუ შესაძლებელი იქნება უსაფრთხოების გარანტიების შეთავაზება აშშ-სთან და ნატო-სთან ერთად, მაშინ პოლონეთი სხვადასხვა კუთხით იმოქმედებს, მაგრამ მე პოლონეთის ჯარების უკრაინაში გაგზავნას არ განვიხილავ“, - აღნიშნა ტუსკმა.

ავტორი: ექსპრესნიუსი,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა