თბილისში, პარლამენტის შენობის წინ საკანონმდებლო ორგანოში ქალთა გენდერული კვოტირების მოთხოვნით საპროტესტო აქცია მიმდინარეობს. აქციის ორგანიზატორები და მონაწილეები სიტყვით გამოდიან და საზოგადოებას მიმართავენ.

აქციის მონაწილეებს პარლამენტის შენობის კიბეებთან გამოფენილი აქვთ პლასტსმასის კონტეინერები, სადაც დეპუტატი მამაკაცების ფოტოებია გამოფენილი.

აქციაზე მყოფმა „თავისუფალი დემოკრატების“ ლიდერმა ირაკლი ალასანიამ ჟურნალისტებს განუცხადა, რომ პარლამნენტში ქალთა ხმების სიმცირეა, რაც უსამართლოა.

მისივე თქმით, „თავისუფალი დემოკრატები“ პარტიაში 30%-იან კვოტას ამკვიდრებენ და ამით მაგალითს მისცემენ სხვა პარტიებს.

„დღეს ძალიან მნიშვნელოვანი აქციაა. იმიტომ, რომ ქალთა ხმა პოლიტიკაში ძლიერი ქალების მონაწილეობით რომ უნდა გაიზარდოს ყველა ვთანხმდებით. საქართველოს პარლამენტში ქალთა ხმების სიმცირეა, რაც უსამართლოა.

ჩვენ - „თავისუფალი დემოკრატები“ მაგალითს ვაძლევთ სხვა პარტიებს და ჩვენ პარტიაში ვამკვიდრებთ 30%-იან კვოტას“, - განაცხადა ირაკლი ალასანიამ.

ცნობისთვის, „არც მოძღვარი და არც ქმარი, თავის ბედს წყვეტს  თვითონ ქალი“, - ამ შეძახილებით, სტვენით და ტრანსფარატნეტბით ფილარმონიასთან გამართული აქციის მონაწილეები პარლამენტის წინ მიმდინარე აქციასშსეუერთდნენ.

აქციაზე იმყოფებიან „თავისუფალი დემოკრატების“ წევრები და საზოგადოების ცნობილი სახეები. აქციაზე მობილიზებულია საპატრულო პოლიციის რამდენიმე ეკიპაჟი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი აცხადებს, რომ აშშ-ის საჰაერო თავდასხმების შედეგად 14 ადამიანი დაიღუპა

აი ჯი დეველოფმენტ ჯორჯიამ, გალტ & თაგარტის ექსკლუზიური მხარდაჭერით, 39.5 მილიონი აშშ დოლარის მწვანე ობლიგაციები განათავსა

კორეული პრემიუმ ბრენდი Manyo უკვე PSP-შია

სახელმწიფოს ლამარიას მონასტრის ტერიტორიაზე კელიების სამშენებლო სამუშაოებზე სააგენტოს ნებართვა არ გაუცია, ეპარქია თავს იმართლებს