თეონა აქუბარდია დარწმუნებულია, რომ ის შეურაცხყოფა, რომელიც ირაკლი კობახიძის მხრიდან გამოვლინდა, ევროკავშირისგან დამატებით სანქციებსა და ადეკვატურ ქმედებებს გამოიწვევს 

მისივე თქმით, მთავარია არ დაზიანდეს ქართველი ხალხის ინტერესები.

„ბიძინა ივანიშვილის პირობებში საქართველო ჯერ კიდევ ევროსაბჭოს წევრია და ჯერ კიდევ ევროკავშირის წევრობის კანდიდატობის სტატუსი გვაქვს, რომლის საფუძველი ივანიშვილმა სწორედ ანტიდემოკრატიული და ავტორიტარული ქმედებებით შეარყია. ბუნებრივია, კანდიდატი წევრი ქვეყნის ვალდებულებაა პოლიტიკური კრიზისის გადაჭრა საუბრით და არა საკუთარი ხალხის წინააღმდეგ არაადამიანური მეთოდების გამოყენებით. მაშინ, როდესაც ამის საპირისპირო მიმდინარეობს კიდევ უფრო დრაკონული კანონების მიღებითა და დემოკრატიის საბოლოოდ ფეხქვეშ გათელვით, რა თქმა უნდა, განცხადებები გასაგებია.

თუმცა, ამ განცხადებებს რომ არაფერი მოჰყვება. რა შეურაცხყოფაც ვნახეთ ირაკლი კობახიძის მხრიდან, დარწმუნებული ვარ, დამატებით სანქციებს და ადეკვატურ ქმედებებს გამოიწვევს. ამ ვითარებაში მთავარია, რომ ქართველი ხალხის ინტერესები არ დაზიანდეს, რადგან ის პროგრესი, რაც აქამდე გვქონია, ეს არაა ივანიშვილის რეჟიმის დამსახურება. შესაძლებელია, ივანიშვილისთვის მთავარი ქართველი ხალხის დაზიანება იყოს, რასაც შეგნებულად ახორციელებს“, – აღნიშნა აქუბარდიამ.

ავტორი: ექსპრესნიუსი,

სოციალური ქსელები

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის

სიკორსკი: რუსეთს პოლონეთზე თავდასხმის რესურსები არ აქვს, მაგრამ ისინი რაღაცას ამზადებენ

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს