2016-03-08 10:03:21, 674 ნახვა
საზოგადოება
მესტიაში, სოფელ ციცხვართან დიდი მოცულობის მიწა-კლდის მასა ჩამოიშალა
საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, ზუგდიდი-ჯვარი-მესტია-ლასდილის საავტომობილო გზის 66-ე კმ-ზე (სოფ.ციცხვარის მიმდებარე ტერიტორია) დიდი მოცულობის მიწი-კლდის მასა ჩამოიშალა, რის გამოც გზის აღნიშნულ მონაკვეთზე აკრძალულია ყველა სახის ავტოტრანსპორტის მოძრაობა.
დეპარტამენტის ცნობით, ადგილზე მობილიზებულია შესაბამისის ტექნიკა და საავტომობილო გზების დეპარტამენტის წარმომადგელნები გზის გაწმენდით სამუშაოებს ახორციელებენ. აღნიშნულ მონაკვეთზე, საავტომობილო მოძრაობა მაქსიმალურად მოკლე ვადებში აღდგება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
