ევროპის ჟურნალისტთა ფედერაცია (EFJ) საქართველოში ჟურნალისტების შევიწროების შემთხვევებს ეხმაურება და აცხადებს, რომ თუ ტელეწამყვან ვასილ ივანოვ-ჩიქოვანს არ დააბრუნებენ საზოგადოებრივ მაუწყებელში თავის პოსტზე, საზოგადოებრივი მაუწყებელი გაირიცხება ევროპის მაუწყებელთა კავშირიდან (EBU).

ევროპის ჟურნალისტთა ფედერაცია მხარს უჭერს საზოგადოებრივი მაუწყებლის იმ ჟურნალისტებს, რომლებმაც ამხილეს მზია ამაღლობელის დაკავების სუსტი გაშუქება მაუწყებლის ბორდის შეხვედრაზე.

"შეხვედრის დროს, ცნობილმა ჟურნალისტმა ვასილ ივანოვ-ჩიქოვანმა გააკრიტიკა სარედაქციო გადაწყვეტილებაში პოლიტიკური ჩარევა საზოგადოებრივი მაუწყებლის ბორდის თავმჯდომარის, ვასილ მაღლაფერიძის მხრიდან, რომელიც ადრე “ქართული ოცნების” პარტიის თავმჯდომარის მოადგილე იყო. მან [ვასილ ივანოვ-ჩიქოვანმა] სოლიდარობა გამოუცხადა მზია ამაღლობელს. “საზ.მაუმ გაკვრით ახსენა მისი დაკავების ამბავი ახალი ამბების ბლოკში” - თქვა მან, რითაც ხაზი გაუსვა საზ-მაუს ვალდებულებას, ხელი შეუწყოს საჯარო დისკუსიას ამ საქმეზე. საზ.მაუს სატელევიზიო წამყვანმა ნინო ზაუტაშვილმა, ასევე, გამოუცხადა სოლიდარობა მზია ამაღლობელს და ყველა “სინდისის პატიმარს” და დაამატა, რომ საზოგადოებრივმა მაუწყებელმა სრულად უნდა გააშუქოს ქვეყანაში მიმდინარე პროტესტი”, - წერია ევროპის ჟურნალისტთა ფედერაციის განცხადებაში.

4 თებერვალს ივანოვ-ჩიქოვანს საზოგადოებრივი მაუწყებლისთვის საკუთარი პროგრამის წაყვანის უფლება შეუზღუდეს. EFJ-ის განცხადებით, ეს ცენზურა და პოლიტიკური ჩარევაა, რომელსაც აუცილებლად უნდა მოჰყვეს რეაგირება. EFJ-ის გენერალურმა მდივანმა რიკარდო გუტიერესმა განაცხადა: "თუ დაუმსახურებლად დასჯილი ჟურნალისტი არ დაბრუნდება თავის პოზიციაზე, საზოგადოებრივი მაუწყებელი აღარ იქნება ევროპის მაუწყებელთა კავშირის წევრი".

“ჩვენ მოვუწოდებთ ევროპის მაუწყებელთა კავშირს, რომ ჩაერიოს”, - აცხადებს EFJ-ს გენერალური მდივანი რიკარდო გუტიერეზი.

ამასთან, EFJ მოუწოდებს საერთაშორისო თანამეგობრობას, გამოიყენოს მაქსიმალური ზეწოლა საქართველოს ხელისუფლებაზე, რომ შეწყვიტონ ჟურნალისტების დევნა და დაუყოვნებლივ გაათავისუფლონ არასამართლიანად დაკავებული ყველა პატიმარი.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის